2015年4月29日星期三

我好鍾意睇東方新地娛樂版(並非擦鞋,連東地娛樂版總編都讚我「嚴重熟讀東地內容」),特別鍾意睇明星由邊間餐廳行出來,我就好想去這些「星級餐廳」試下。

最近舒淇都拜會過全港第一間「Hello Kitty中菜軒」,Hello Kitty煮中菜?繼cafe同拉麵之後,終於有一間我想食的Hello Kitty餐廳,一定要試啦!

店鋪設計係走「日式中華料理」風格,位於佐敦官涌街市旁邊,泊車好方便。

Hello Kitty粉絲睇見個餐牌一定好開心,以Hello Kitty大頭做的流沙包、馬拉糕、蝦餃,睇相已經好想食,實物又如何呢?

好似有靈魂一樣呀!眼神交足戲,仲好好味呀!

另一個招牌菜係Hello Kitty蘋果雞絲飯,招牌原因當然係個「貓頭飯」,印象非常深刻,因為相機食到好飽之後先有得食,加上蘋果係Hello Kitty最愛的食物,仲將雞絲汁放入挖空的蘋果內,我覺得似中日fusion菜。我會建議唔好等相機食先,會好食好多,因為呢個炒飯「相機食得太耐」先到我食。

平心而論,每一道菜都要加入Hello Kitty元素係冇乜可能,店內印上Hello Kitty樣的餐具都可以獨立發售已經係對粉絲的最佳消費籍口,所以我都希望將注意力返回菜式上。

頭盤的驚喜係脆皮牛展,脆皮炸牛腩我食過,換了做牛展真係第一次,驚喜在於面層爽脆牛展煙韌。

「笑哈蝦趣味」將鮮蝦用三個形式處理呈現,XO醬蝦球的XO醬係當店師傅每日新鮮炒製;豉油皇大蝦就因為隻蝦夠新鮮,令豉油突顯出蝦的鮮味;百花釀油條將蝦打成蝦滑再油泡,證明餐廳不是單單只有賣相,廚師都有一定功力。

菠蘿咕嚕肉在Hello Kitty中菜軒就會變成「蘋果咕嚕肉」,特別在蘋果經拔絲處理過再炸,炸完之後同咕嚕肉好似樣,有一種唔知自己夾到肉定蘋果的驚喜。

炸子雞完全不會同Hello Kitty扯上任何關係,難道要刻意改叫「炸子貓」?不過我只想講,他們正正經經的中菜都有相當功駕,炸子雞皮脆肉嫩,至少不是over done。

撇除所有Hello Kitty的叫座力,真的為中菜軒的菜式評價,算是相當有心,繁複的心機小菜都有供應(單是Hello Kitty點心已經相當費神),杏汁豬肺湯(上圖)這些好多菜館嫌洗豬肺麻煩不作供應,中菜軒也一樣有;疏菜從本地有機農場入貨,食材上肯花心機,定價也不是過份進取,無論是否Hello Kitty粉絲也都照顧周到。

食食下遇上美聯社記者採訪,還找我訪問,似乎Hello Kitty中菜廳已經蜚聲國際,中外傳媒都極之關注!

Hello Kitty中菜軒

地址:廣東道332至338號利來洋樓地舖A至C


總瀏覧次數


相關文章
  • Hello Kitty煮中菜
    我好鍾意睇東方新地娛樂版(並非擦鞋,連東地娛樂版總編都讚我「嚴重熟讀東地內容」),特別鍾意睇明星由邊......
  • 護膚Q & A:你問,Yoko答!
    我曾經笑言,每日收到的Facebook Inbox查詢,猶如滔滔江水,連綿不絕。這個比喻雖有說笑成分......
  • 踢走體內「乳酸」 紓緩痠痛/疲倦
    肌肉痠、脹、痛,你有沒有?相信不分男女,99%都有……小腿實如鐵,肩膊緊......
  • 生理期護膚有術(下)
    月經期、卵泡期、排卵期及黃體期為女性生理周期的4個階段,加起來約為28日。這28日內,女性不但可針對......
  • 生理期護膚有術(中)
    女性的生理周期一般為28日,當中會經歷4個生理變化階段,按順序為月經期、卵泡期、排卵期及黃體期,不論......
  • 生理期護膚有術(上)
    為何M前總會爆痘痘?為何皮膚狀態總是時好時壞?為何皮膚的更生周期是28日?以上問題都是讀者經常Inb......
月曆
Yoko 今日蹤跡