2014年10月31日星期五

食評,在過去一年幾乎沒有在這裏出現,原因簡單不過,因為懷孕,飲食變得清減健康,唯有跟坊間美食絕緣。

隨住我完成3個月的坐月,遇上今日萬勝節,正宗為食鬼出牢,我的食評終於回歸!

懷孕期間,已經有各式「為食肥妹鬼」告之,The Butchers Club「榮登」香港漢堡飽之王,不能錯過,可惜,我心想食但也不敢造次。

呢班為食肥妹鬼仲話The Butchers Club位置隱閉,不易找,在灣仔蘭杜街喎!

蘭杜街好難搵?呢條有名「為食街」,我人生最愛的「蝦麵店」就在蘭杜街,我又點會未聽過呢條街名呀?

開放式店鋪設計,店中鬼佬多過唐人,廣東話冇碇企,這樣的格局,未食都應該估到口味正宗。

店中名物就叫Hamburger,沒有古靈精怪的名稱,單刀直入,加上$100一個,明顯係靠實力取勝。果然,用上dry aged美國Angus的漢堡,牛味濃沃得化不開,既有肉,又有油脂。而且,為了豐富肉味的層次,在牛肉上有芝士,芝士上有兩片厚煙肉,連麵飽也是在鐵板烘至燶邊,難怪一等就是15分鐘才完成。不過,呢15分鐘相當值得,當牛味、芝士味、煙燻的豬肉味夾雜其中,我的味蕾相當忙碌呀!

炸到咁樣的薯條,我又點會食?不過身邊人好此道,唯有淺嚐一口,炸得好好味呀!原來叫Duck Fat Fries的原因,是用了鴨油去炸,所以有另一番味道。

不過此行重點,其實係呢個期間限定的「A Burger Takeover」,與名廚crossover,今次已經去到第5回,由名餅廚Gregoire Michaud設計,不設外賣,到底有幾特別?

原來係用豬肉做漢堡!事實上,上星期就係我的為食肥妹鬼好友推介話一定要試呢個漢堡飽,包我很難忘喎。的確,我不太能理解,豬肉都可以做到牛肉般香濃味道,係咪可以叫做分子料理呢?$160試一個分子料理般的漢堡,又真係幾難忘的,算呢隻肥妹鬼冇介紹錯啦!

由於漢堡飽真係好好味,我都忍唔住買多個外賣打包返屋企,當宵夜!我又為食肥妹鬼上身啦,今晚要帶埋「骷髗骨精小王子」出巡萬勝節,想知佢嘅造型,今晚留意我個facebook page啦!

 

總瀏覧次數


相關文章
  • 闊別一年 我的漢堡飽天王
    食評,在過去一年幾乎沒有在這裏出現,原因簡單不過,因為懷孕,飲食變得清減健康,唯有跟坊間美食絕緣。 ......
  • 護膚Q & A:你問,Yoko答!
    我曾經笑言,每日收到的Facebook Inbox查詢,猶如滔滔江水,連綿不絕。這個比喻雖有說笑成分......
  • 踢走體內「乳酸」 紓緩痠痛/疲倦
    肌肉痠、脹、痛,你有沒有?相信不分男女,99%都有……小腿實如鐵,肩膊緊......
  • 生理期護膚有術(下)
    月經期、卵泡期、排卵期及黃體期為女性生理周期的4個階段,加起來約為28日。這28日內,女性不但可針對......
  • 生理期護膚有術(中)
    女性的生理周期一般為28日,當中會經歷4個生理變化階段,按順序為月經期、卵泡期、排卵期及黃體期,不論......
  • 生理期護膚有術(上)
    為何M前總會爆痘痘?為何皮膚狀態總是時好時壞?為何皮膚的更生周期是28日?以上問題都是讀者經常Inb......
月曆
Yoko 今日蹤跡