2014年11月4日星期二

雞煲在2年前大熱興起,上年可謂推至高潮,而我更加著了迷,試過連續幾個月每星期一次,到達唔食唔安樂境界!上年因為懷孕關係,有一個月特別愛濃味和辣味,挑起我又再食雞煲癮,後來要暫別雞煲,因為避免辛辣或會對胎兒刺激。
闊別雞煲一年,我終於可以重新展開雞煲之旅,在這一年間,不要說雞煲,連火鍋新店都不多,我相信原因是租金昂貴,加上火鍋 / 煲類食物特別注重食材的質素,刻下食一餐令人滿意的火鍋或雞煲,幾乎是特高消費項目。

正如今篇文章的標題,雞煲再加花膠,咪即係貴到飛起?其實,有時剛剛遇著巧巧,會有令你意想不到的事發生。話說小王子個老竇話要去睇下playgroup喎,聽講奧海城3期有些參考,於是特登揸車觀摩觀摩。(講開playgroup,阿B有個怪獸老竇,真係戥佢慘慘豬,我相信我不會怪獸,所以不會用怪獸家長來形容我,只好命名為怪獸老竇,我亦相信我已經有相當觀摩後心得分享)

當我行到奧海城3期,我大概只被食物吸引,整個商場的地下有一半是餐廳,上一層又有好幾間,不過大部份都是西餐廳,只有二樓有間「香港地」賣地道食物,能夠吸引到我的,就是其主打的「麻辣花膠雞煲」,因為只賣$138鍋!我認,真心愛上了花膠,所以即刻令我有試吃衝動!

另外仲有一款平一點的「胡椒豬肚雞煲」,$108就搞掂。胡椒暖胃啱晒秋冬食啊!

就同怪獸老公一人一煲,可以試齊兩款特式鍋,剛剛好!

同得大家分享,真係試過係好才落到筆!

先講胡椒豬肚雞煲,湯頭絕對充滿胡椒香味,難得連豬肚都洗得乾淨,冇難聞味,還很結實彈牙口感,不會太「腍」。而雞的份量亦算多,雖然冇半隻雞咁多,但足夠2人分甘同味。

主角當然是麻辣花膠雞煲,4隻花膠筒大大隻的放在煲面。雖然知道這些只是普通的花膠,但都算有一定厚度,有質感吖,加點麻辣仲覺得好刺激,因為連我自己都未試過麻辣加花膠,原來味道幾出眾,又特別。我點小辣都覺得有相當辣度,如果不太食得辣的人,記得要點小辣。

特設的山楂雪梨水,就是用來解辣消滯和解燥熱的,睇一睇壺底的山楂同雪梨,就知非常足料,有誠意。

兩人共點了2個雞煲及1酌山楂雪梨水,加埋薯粉,索盡湯底精華,超正!呢個冬天一定翻兜再嚟啊!

這次晚餐是我意想不到的滿意,服務員夠細心,經常留意火的大小,以及為鍋底加水,還會問我食物質素意見,顯然是對工作有熱誠!

 

總瀏覧次數


相關文章
  • 花膠別注 麻辣雞煲
    雞煲在2年前大熱興起,上年可謂推至高潮,而我更加著了迷,試過連續幾個月每星期一次,到達唔食唔安樂境界......
  • 護膚Q & A:你問,Yoko答!
    我曾經笑言,每日收到的Facebook Inbox查詢,猶如滔滔江水,連綿不絕。這個比喻雖有說笑成分......
  • 踢走體內「乳酸」 紓緩痠痛/疲倦
    肌肉痠、脹、痛,你有沒有?相信不分男女,99%都有……小腿實如鐵,肩膊緊......
  • 生理期護膚有術(下)
    月經期、卵泡期、排卵期及黃體期為女性生理周期的4個階段,加起來約為28日。這28日內,女性不但可針對......
  • 生理期護膚有術(中)
    女性的生理周期一般為28日,當中會經歷4個生理變化階段,按順序為月經期、卵泡期、排卵期及黃體期,不論......
  • 生理期護膚有術(上)
    為何M前總會爆痘痘?為何皮膚狀態總是時好時壞?為何皮膚的更生周期是28日?以上問題都是讀者經常Inb......
月曆
Yoko 今日蹤跡