2014年12月10日星期三

我一直有一個願望,可以自然地化一個「搪瓷肌」。

甚麼是「搪瓷肌」?

一個薄而淡,近乎nude的底妝,將肌膚塑造成完美白滑,仿似現實中的photoshop效果。 可惜,我一直未能做到。

遇上過無數大師級化妝師,在我面上都無法實現搪瓷肌,非因他們技術未到家,而是問題出自我的肌膚,毛孔及分泌影響搪瓷效果,就算做到,都只維持到一小時內。

終極總結,要達到「搪瓷肌」效果,全靠先天肌膚特質---愈接近零毛孔及零分泌,就算化妝技術普通,都可以輕易做到「搪瓷肌」! 

既然我先天膚質非零毛孔零分泌,就要靠後天努力。我一直以為,應該要搵出能將毛孔還原並減少油脂分泌的驚世儀器才可以使我達至「搪瓷肌」,卻原來自己一直走漏眼,一個我毫不放在眼內的laser facial組合,會有機會帶領我到達「搪瓷肌」領域!

昨天,我在皮膚專科醫生診所內,親身做了一般美容院都可以做到的1064 laser facial,這是一般人以為處處一樣,我當然知道分別在那.......是貴價認證儀器與操控師對手專業的分別。


先控制油脂分泌+toning(即均勻膚色),用Q-switch 1064做半邊臉,做完已經見到對比,有明顯白淨;之後再做Short pulse 1064 緊緻皮膚及收緊毛孔,又係只做半邊臉,治療師叫我用手摸塊面,哈,又真係即時好firm咁喎,so amazing!


做完,三粒鐘都勁少油出,是從未試過的爽快感!返到屋企夜晚仲係keep到,只有微微泛油,直達我心中理想目標的中性肌膚至可以化出完美無瑕的「塘瓷妝」。


雖然每次有效果可言,但要做到第三次至叫顯著,我急切等緊呢日! 不過,我知道要有「塘瓷妝」的肌膚,就必需有代價,就係皮膚整體偏乾,所以做完laser facial之後,出動我去beauty clinic的慣性 --- 自備paper mask(因為中高檔醫生診所通常專注儀器,無乜護膚品),而我昨日的療程,係先做laser facial,之後再做減肥機修大腿,趁減肥時梗要把握機會敷個面膜急補水份! 

治療師仲笑我,話我躺住做減肥機,塊面膜實甩出來!哈哈,我梗係有備而來啦,我自備的是Talika生物纖維面膜,遇皮膚熱力立即貼實塊面,連地心吸力都唔怕,一樣保持唔跌!纖體師都笑言:「唔夠你玩!」

說到底,1064 laser facial的確係我少做的facial,但原來我睇小了你。當然,優質儀器是重點,此外,是美容師的技術,將機頭密集均勻式的來回掃我臉龐及頸部,看似普通技術,但強調必需細心及富經驗,即係就算俾你擁有全套 Le Creuset 廚具,但只有地獄廚神級技巧,一樣冇啖好食!!


總瀏覧次數


相關文章
  • 搪瓷肌的秘密 --- 零毛孔零分泌
    我一直有一個願望,可以自然地化一個「搪瓷肌」。 甚麼是「搪瓷肌」? 一個薄而淡,近乎nu......
  • 暴曬天氣 皮膚對策
    外電消息指南歐的體感溫感達到55度,各國的政府部門都呼籲市民避免日間外出,以免有生命危險。 熱......
  • 小朋友有黑眼圈?!
    從Facebook直播中認識我的新讀者,當得知我兒子剛三歲了,我收到的inbox查詢汲及懷孕、瘦身、......
  • 肌膚降溫 可保年青
    肌膚的最大敵人,除了歲月,就是高溫。 手心微微升溫有助護膚品營養深透肌膚,然而,高溫卻又會......
  • 我的內外夾攻瘦身策略
    瘦身話題,是女性著了魔的題材,幾瘦的女人,都有各式減肥理據。舉個例子,我有位女性朋友,小S的身形(我......
  • 愈食愈瘦 負卡路里Magic Food
    愈食愈瘦到底是一個都市傳說?還是比神奇女俠更神奇的神話? 當大家嚷住要節食減肥,身邊好友甚至經常感......
月曆
Yoko 今日蹤跡