2015年1月16日星期五

在一系列嬰兒購物清單中,有幾款產品我都未有分享,原因好簡單,我想花一個較長時間試清楚,好用,才值得分享。

例如BB車,我自己就真的花了很多時間去研究,不同品牌不同款式都認真仔細研究,我甚至因而入手了兩部BB車作為不同需要時使用,而結果終於在使用半年後發佈!

BB車同私家車一樣,香港人都熱愛歐美品牌,豪華得體,又夠搶眼,但價錢偏貴;日本品牌經濟實為,gimmick多多,特別強調functional。如果認真比較,BB車市場同汽車市場真係非常接近。

如果我話你知,我用緊的BB車係日本車價錢,歐洲車質素,而品牌是來自荷蘭,你會心動嗎?而這個品牌是上年才正式來港,品牌叫名Greentom。

Greentom有齊歐洲車傳統佈局,車身大,車轆大,高身,推出來感覺有氣勢,車架又硬淨,龐大但操作靈活,可以原地自轉360度。

但品牌特點除了上述我所講的好處,最重要是環保,原來車身塑膠物料係用循環塑膠料製造,同埋造型強調時尚,車身顏色選擇多。

至於點解重點係日本車價錢,歐洲車表現呢?因為我剛剛收到eDM,話Greentom做特價,2月28日前,由原價$3,698減到$1,998,唔使$2,000買到歐洲品牌BB車,真係誇張。(售賣點:BK Store 九龍灣Megabox九樓)

當然,$1,998只係買車身,而車身只適合6個月以上BB,初生點算呢?就我似我咁,額外花錢配初生嬰兒睡籃,不過呢個籃就同車價一樣,我當然係指同原來的車價一樣啦。

我最後落筆都決定介紹Greentom,因為如果你家中的同我一樣係大隻B,真係得歐洲車適合。Yuji BB四個月大已經重接近20磅,呢個加大碼B已經幾乎撐爆車身,真係唔敢想像細車點放得佢入。

至於點解我話Greentom時尚?因為後來俾我發現到呢款初生嬰兒及car seat兩用籃,造型 cyber,我愛死這個造型,後來先知我BB初出生時未到貨,令我緣慳一面,但呢個初生 BB 籃又係同車價一樣。

 

如果想平玩潮車,單買車身可謂最化算,因為整體表現極佳,我最欣賞車身夠高,直接推埋餐廳的餐桌,都可以正視BB,雖然不及 Stokke般高,但只不過六份一Stokke價錢,我已經好滿意。

不過Greentom都有一個缺點,就係沒有多少儲存空間,帶BB出街的那個BB袋真係夠晒重,想放埋入車都冇乜位放,唔似日本車咁識得利用收納空間囉。

不過單從性價比睇,$2,000就可以買到歐洲品牌 BB 車,可謂值回票價。

————————————————————————

全新打造個人官方網站www.yokotsang.com已經面世,內容更集中,更易搜尋昔日文章及追縱美容軌跡!

總瀏覧次數


相關文章
  • BB車之選
    在一系列嬰兒購物清單中,有幾款產品我都未有分享,原因好簡單,我想花一個較長時間試清楚,好用,才值得分......
  • 冬天/乾燥肌 護膚油解碼(Vol 2)
    懂得用護膚油,就知它有幾好療效!上期講解我欽點的幾款好油及成分,今回再來解構護膚油的十全十美妙用法,......
  • 冬天/乾燥肌 護膚油解碼(Vol 1)
    好多人對護膚油都有誤解,一聽到「油」,就即時與「油膩」、「油笠笠」、「油脂粒」、「阻塞毛孔」等等負面......
  • 營養補充品識食須知(Vol 2)
    上一個專題同大家講過(按此重溫:https://goo.gl/c4sqcg),今時今日單靠日常飲食很......
  • 營養補充品識食須知(Vol 1)
    想內外兼美,我一向大力主張從內至外都要調理,不打好健康基礎,外塗幾多高效護膚品都只是徒勞啊。當然,首......
  • 2017回顧 我最喜愛的護膚品成分
    雖然2018年已經開始了十日,但我也想趁機回顧一下我的專業強項──美容護膚,嚴選全年我最喜愛的三大護......
月曆
Yoko 今日蹤跡