2015年7月24日星期五

名牌袋界,有很多不可思議的事情,不合理卻又被fans們合理化:一個普通人,冇可能就咁行入Hermes專門店,買到一個basic款Birkin袋。

原因?大家應該心照,有那個女人不想自己行入Hermes就可以買到Birkin?

日本銀座Hermes專門店,猶如門徒一定要進貢 / 拜見的聖地。

不過,女人的好勝心,的確可以戰勝世界,我識得一個好友,每次外遊,都可以順利在世界各地的Hermes專門店,買到Birkin,她不是甚麼VIP,也沒有特殊背景,平凡如你我,點樣才可以做到?

難得她也大方,肯公開她的心得,而她也認為,在日本Hermes買到Birkin的機會最高,比在法國或其他歐洲國家更容易,大家值得洗耳恭聽!

據她講,要買到Birkin,由你一開始行入Hermes時,已經是「戰爭」的開始,而你的對手,就是「可惡」的店員,因為你們能否買到心儀的袋款,好大原因取決於店員,買不到的人多,你說是否很「可惡」?

以香港人的身份,去到香港以外的Hermes,和店員交手,店員的基本「程序」,係會先分辨你是以下哪一個類別:

A. 炒家 --- 店員認定你純粹轉售圖利,根本不想同你多糾纏,快手打發你走就是她的下一步。
B. 用家 --- 最想賣俾你,認定你不會轉售,是真心使用Hermes產品的人。
C. 遊客 --- 知你純粹路過貴境,求其賣個袋俾你,等你回老家後好交差。

店員怎樣決定你是A、B定C?可以咁講,由你和店員的眼神第一刻接觸開始已經開始進行,用最能夠讓你明白的例子做譬喻---同你帶小朋友去名校面試一樣咁認真!

店員會同你透過交談,來分析你的類別,要成功,你一定要盡快令店員否定你是炒家,令店員相信你是用家;而香港人身在海外Hermes的優勢,就是要令店員認為你是用家的同時,就算去到外地,都要向Hermes進貢,即是,你要將用家及遊客這兩個身份結合,你在外地買到Birkin的機會就會大大提升!

問題係,你唔會直接同店員講:「我唔係炒家,我係海外真實用家,一場來到,都入場進貢,你拎個Birkin俾我睇下!」

關鍵,要令店員相信你是用家,要證明自己是死忠粉絲,非Hermes不愛。如果你是死忠粉絲,你一定可以熟讀Hermes的專業用詞,對,專業用詞,你識幾多?

最基本的專業用詞,分為袋款、用料、顏色及呎吋。袋款如果你只識Birkin同Kelly,絕對唔夠,基本上你要認識所有袋款名稱,才足夠同店員周旋下去,否則只會很快地被紅牌出場。單是皮料,已經有牛皮,山羊皮,水牛皮,鱷魚皮,鴕鳥皮和蜥蜴皮,仲未計帆布料,假如你同店員講:「cow skin」,已經可以collect skin離場。小牛皮叫Togo、大牛皮叫Clemence,仲有7-8款牛皮等你認識,仲要全部用法文名,唔好諗住用英文就可以過骨。色款仲誇張,今年流行大象灰,你以為叫elephant grey?咁就灰晒啦,叫Etoupe;最經典的橙色,除了叫orange,仲有4款都係橙色但又叫不同名字呀!仲未計size呢?你要大定要細?25cm?30cm?35cm?

將袋款×物料×顏色×呎吋,就係你需要記得的「不能忘記的Hermes密碼」的數量,讀熟晒,辛苦過DSE考5*。

至於點應用?就真係睇你隨機應變,考通識科一樣。
不外乎同店員打開話閘子,但店員給你的每一項資料,都暗藏考驗,大概會係咁:
你:「我想要A款、B款同C款。」(A、B同C不可以係Birkin同Kelly)
店員:「只有B同C款。」
你:「D款呢?呢三個款有冇E色?係乜野皮料?」
店員可能會入倉睇睇,或繼續接你。
店員:「D款剛剛返一個帆布款,你要唔要?」
你:「帆布款比較casual,大size先襯我,係35cm?定40cm?」
店員:「Sorry,係30cm,F色。」
如果袋款適合,你可能要接受,當然,你的目標是Birkin,繼續諗辦法耍店員,搵出適合的timing向Birkin出擊。
而店員又會試探下你,到底你識幾多,係咪真係fans,可能你話要orange,佢答冇,但會同你講另一個顏色名,但係同orange好接近,如果你唔識,以為係另一隻色就弊,就俾佢陰到你。

同店員「interview」,真的自由發揮,睇你修行。不過好友的貼士,去日本買Birkin的勝算最高,至少店員不會像歐洲的不停白眼,日本店員的服務態度表現相對欣勤。另外,店員亦未必熟讀顏色及物料,遇上這類新手資淺店員,有好有唔好,你的表現有可能壓倒性KO店員,但店員的職級,未必可以拎出Birkin。如果有信心,應該越級挑戰senior店員,獲得Birkin的勝算更高。

去日本Hermes買Birkin的必勝法,上述只是證明你是fans的interview,但最重要的證明,始終都是你身上的行頭,太陽眼鏡、絲巾、手鐲、袋、鞋,從頭到腳都要進貢,就是另一個部份。

正如我的好友所言,會買會用,自自然然就會成為fans,她的道理很簡單,你只係想買一個Birkin,用炒價買,值得嗎?畀多幾萬炒價,又點解唔將呢D溢價,用來買Hermes的其他產品?當你擁有其他Hermes產品,你下一次買得到Birkin的「能力值」又會大增。

最後你或者好想知,我的好朋友有沒有放售她的「戰利品」?她能夠擁有強大的經驗值分享,因為她是fans又是用家,亦會做炒家,將三個身份合而為一,近乎神級一樣的人物。
我唯一可以幫到你的,就係將以下天書資料交俾你,其餘就得靠你的努力。

—————————————

全新概念食療養生館Y’s RECIPES隆重登場


總瀏覧次數


相關文章
  • 日本買Hermes Birkin必勝法
    名牌袋界,有很多不可思議的事情,不合理卻又被fans們合理化:一個普通人,冇可能就咁行入Hermes......
  • 日本BB購物の殿堂 --- Akachan
    剛剛的日本之旅,我自己的購買任務只有一個,花了兩小時,一落機便直奔目的地,買完剛好830pm,吃個豐......
  • Yen大跌!買爆日本搵平Yen攻略
    日圓大跌,每跌一次,我個心又癢一次,日本之旅,幾時都想啟程! 適逢完成手頭上的新書工作,閉關了......
  • 春困抗疲勞 提神食物法
    「疲勞」是大家都該關注的議題,如症狀遲遲未改善,長期下來更可能導致免疫力下降,使慢性病找上身,不可不......
  • 去污去油 面部排毒清潔法
    皮膚潔淨的重要性,相信大家都知,不過肯花錢投資在潔膚產品的女性,不多,這是殘酷的現實。 可能,......
  • 直擊日本大熱「水素水」 凍齡養生秘密
    上星期,我到了日本東京美容展,親身感受最熾熱的日本抗衰老保養物,在場人頭湧湧的booth是展出什麼?......
月曆
Yoko 今日蹤跡