2015年9月4日星期五
韓國之行,肚皮和行李大滿足!
上回分享超級美味韓食店-醬油蟹、牛肋骨、窩夫......讀者留言「想跟你遊首爾,等你呀,教主!」觸動我腎上腺素,好提議,如果他日有天時地利人和!
韓國不踩地雷美食文章,重溫:http://www.yokotsang.com/articles.php?p=20150826
 
今次赴韓,4天共只睡了10小時,工作外爭取買買買服飾手信戰利品滿載而歸,哈哈,同大家分享精采每一幕!
出發前,神機妙算會爆硬喼,我放了一個大袋入喼內,還以為可以很放心,怎料超晒磅。
今次坐國泰航機,回程時:一大喼+一大袋= 32.7kg
寄艙每人限額是20kg,有3kg人情寛鬆,我竟然超額了差不多10kg,理論上需補錢約HK$600。
要謝謝那位地勤小姐,她提議將部份行李hand carrier上機便可減費,而該限重量是7kg。
即時將大袋放上磅量重,同行傳媒和我也驚訝,竟然有9kg,地勤小姐開恩「ok啦!可以拎上機」最終只需付喼過限額的2kg,約HK$110。
大家笑言好想擁有我呢個「叮噹百寶袋」(上次日本之行買的,只是二百多元,纖維料極為堅韌,可以負重任);袋身黑底桃紅細波點很漂亮,唯一尷尬是有'barbie'字樣印在袋面,牌子太cutie 了!
-
 
Good Show.......開始喇!
-抵買服飾戰利品
此店位於三清洞,大街的兩邊街舖,路過也很易被櫥窗吸引-大幅banner寫明All shoes 10,000wow(即係HK$70/對),及Made in Korea。
[地址:先到這裏>首爾鐘路區三清洞109-1 >鞋店就在斜對面]
幾十蚊有靚鞋?我本來也起疑,結果真係買到心水,提醒是斷碼鞋,最多選擇是24號(即36碼),其次是25號和23號。
同行more高級記者告知,她上次在這店買了HK$70的boots,超好著,今年會拎番出嚟再著。亦即是話呢間10,000wow超特鞋店乃長駐,大家赴韓必逛。
我嘅戰利品,外型和質素可媲美連卡佛名牌鞋,原價千元,現只係70元,呢D至叫crazy sale嘛,haha!!
 
-
首爾「東大門」是買衫鞋飾物必敗朝聖時裝市場?!
但今次之行與2年前相比,款式不及當年了,美容傳媒一行6人也不算買得多,我因為要買Yuji BB衫所以有較多收穫。
東大門營地,部份批發的也不宜搏零售,如APM Luxe,店員嘴臉行為很不善沒禮貌可言,尤其是地面層人流較旺,只要你嘗試用手拎衣架看衣服,店員就會2秒極速一手搶回兼送你黑面神。
Shopping最重要不是買物,是享受開心過程,尤其是一班人外遊之時。提醒大家,還是到訪較貴價的專營零售商場,如Doota。
韓國呢期潮興用Hermes影子袋,如韓星愛用的品牌'PLAYNOMORE'。
而我對呢個一見傾心,design吸睛特別,白色加上Q版Karl Lagerfeld 中晒我心水。
約HK$420[東大門Doota mall 4樓]
在ABC Mart 買Reebok pump fury ,經店舖9折和機埸扣稅,約等同香港正價的八折。
 
明洞集中係美容產品店,服飾小店較少,有心機都可以搵到好嘢!
被盛讚的氣質白裙,我喜歡asymmetric cut!
又係白色裙,細節位是透視纖腰,高waist line修長設計。
埋單半價,yeah!!
 
Bikini竟然都俾我在韓國弦大買到,白色最like吖,嚟緊9月去蘇梅參加婚禮,啱feel就影俾大家睇下(哈哈)!
反而,上次在日本努力搵加埋試著都冇心水,所以凡事順其自然,會有意想不到驚喜。
-
珍珠串頸鏈 HK $70 (半價後價錢)
-
 
鏈釦x絲帶的頭飾香港都有,可隨意縛蝴蝶結、頭箍、紥辮,終於在韓國入手,因為檔囗伯伯非常有禮貌又熱心幫我試造型。HK $50
 
-
每次到韓國都眼界大開,今次街上趣人趣事係呢單!
明洞區齊集潮流服飾和美容新品,每次韓遊必行無走雞。眼前,突然被一位女士的妸娜身段背影,吸引住我目光,腰幼豐臀是怎樣塑造出來?
如果大家認為修型是內衣專屬,那麼就要擴闊眼光了,這位'S'型女士的秘訣竟然是「釦針」,她放膽先行一步打造非凡潮流,原先畢直剪裁連身裙埋沒了腰臀,欲尋回妸娜曲線,她想到直接用釦針,在裙的背部扣上若干個收窄,這看來理應是材縫師改衫的記號步驟,現成為了fashion look?潮流......懂什麼?!
 
大家有冇同感,在香港改衫愈嚟愈貴,甚至是令人無名火起的海鮮價。例子,與我食療店Y's Recipes同層的改衣店,將背心裙的兩邊膊頭帶改短(比起剪裙底改短還要方便),我預算俾$80(都已經係貪方便鬆手價),怎料助手回覆,隔籬鄰舍都要$180喎,實在人情味太「燶」!
最終,$15蚊搞掂,是爸爸幫忙拿到北角街坊改衣店。
-
 
後記 赴韓返港必買手信 :
爆汁巨梨
韓國巨梨,在lotte supermarke可買到,比西柚還要大,簡直可與迷你西瓜相比啊!咁巨大當然好重,做手信梗有誠意,解渴潤喉夠實用!
非常抵食,HK$70有4個,尤如水晶梨般超爽脆多汁,豐水梨肉稔不能媲美。香港少有咁大個,就算在日式超市有售,一個也索價HK$50以上。
禮盒packing,有4個1盒/6個1盒/8個1盒,當然揀4個裝,梨子特別巨大啊!
同行的5位傳媒和PR也忍不住入手,一人一盒,還認真研究怎樣原壁歸港,盒是放不入喼了,我以厚大毛巾包裹4個巨梨放入喼,結果完整無訣,成功!
媽咪和老公都大讚多汁清甜好味,那就值得我安排梨子們赴港了!
 
韓製午餐肉
午餐肉係唔健康食物中名列前茅好味道,媽咪鍾意食,唯有揀「唔健康中最健康」的午餐肉!韓超市的午餐肉種類超多,經我細心閲讀標籤評估後才買呢兩款-黑毛豬同埋有機豬啊!
 
辛辣麵
韓國的公仔麵是拉麵,麵條粗身彈牙,最正係濃湯,我㨂了一級辣度的,因為想嚐辣但又吃唔倒辣!
我咁注重健康都買公仔麵?因為想炮製辛辣蟹鍋麵,當舌頭在韓國嘗過這味道就好想重溫啊!
 
 
下集blog文預告:
喺韓國,見到BB著得好型仔,韓B衫設計的確有心機,論價錢......
韓國售賣BB衫熱點......
有請Yuji BB示範韓裝,哈哈!
 
—————————-
 
全新概念食療養生館Y’s RECIPES隆重登場
Instagram

總瀏覧次數


相關文章
  • 韓國 vol.2 -教你抵買女裝童裝手信 爆硬喼(上)
    韓國之行,肚皮和行李大滿足! 上回分享超級美味韓食店-醬油蟹、牛肋骨、窩夫......讀者留言......
  • 8件值得投資護膚品
    追看我blog的讀者十居其九都是女性,而九成九共同嗜好係Shopping,今篇文章就是分享我去sho......
  • 天然美肌 必逛wtc more新熱點
      Yeah,大豐收.......我手上咁多戰利品?全部都係護膚同埋化妝品呀......
  • 日本BB購物の殿堂 --- Akachan
    剛剛的日本之旅,我自己的購買任務只有一個,花了兩小時,一落機便直奔目的地,買完剛好830pm,吃個豐......
  • Yen大跌!買爆日本搵平Yen攻略
    日圓大跌,每跌一次,我個心又癢一次,日本之旅,幾時都想啟程! 適逢完成手頭上的新書工作,閉關了......
  • 暴曬天氣 皮膚對策
    外電消息指南歐的體感溫感達到55度,各國的政府部門都呼籲市民避免日間外出,以免有生命危險。 熱......
月曆
Yoko 今日蹤跡