2016年3月23日星期三
追看我blog的讀者十居其九都是女性,而九成九共同嗜好係Shopping,今篇文章就是分享我去shopping mall發掘的美容best buy,大家放假有好去處喇!
我PA Vivian以前喺荃灣返工,佢話我知MTR出囗有個商場,好多嘢睇,你實有興趣㗎,原來係講「綠楊坊」,港鐵荃灣站C出囗對到正,好易搵!
行商場,大品牌或是連鎖店已經周圍都有,「綠楊坊」俾我感覺似尋寶feel,店舖多,細細間,邊行邊發掘好物,美容、健康、時裝、首飾、鞋履、手袋、文具精品、雪糕、食肆都有......
上個禮拜同Vivian一齊行呢度,我見到二樓精品店嘅櫥窗,有好多超靚印花保溫壺,即刻雙眼發光,PA叫我「冷靜D,你啱啱日本買咗十幾個喇!」
Haha, yes yes!!
我今次同大家分享嘅係......商場內令皮膚靚靚的「8件值得投資護膚品」。睇完呢篇blog,大家記得去我FB Page玩遊戲,就送以下部分護膚品俾讀者啦!
 
「皮膚要彈性」-Cellbone
相信有衆多讀者早已認識Cellbone,甚至早已是用家,這是美國的醫學美容品牌,早幾年,我最初試用是它們的透明質酸液,覺得效果不俗而價錢亦相宜。至現在,多了更多有效成分的新成員,如幫助褪黑色素的杏仁酸、增加皮膚彈性及去皺的膠原蛋白、高效抗氧化的葡萄多酚(這個我早已撰文詳解,大家可以在blog文重溫)。
 
今次,我分享的美容液是女性勁冧「膠原」.......
collagen-可能你會話「好多護膚品都已經有,有什麼特別喎?」
梗係與眾不同,才由我介紹啦!
Cellbone Collagen Mask Firm Therapy Serum
膠原緊膚精華面膜 $270/30ml
打破面膜一貫是乳霜狀黏稠,呢支面膜是水感十足的精華液質地,最大好處是營養容易通過毛細孔滲透至皮下層,也就加強吸收和療效的持久度。以高質成分而言-膠原蛋白+透明質酸+五胜肽,二百多元價格超抵用!
使用方法:潔面後,直接塗上,是透明水狀,用雙手指腹打圈最均勻,避開眼部周圍,待20分鐘沖洗便可;想加強療效,達至'home facial double collagen',我的專業建議是,要先用佢打底......
 
Cellbone Collagen Peptide Antiwrinkle Prep Serum
XC 膠原肽煥肌精華 $980/30ml
呢支是非一般serum,叫'Prep Serum',是指如一般精華液用法外,亦可作為塗抺任何精華液前的「預備液」。
有什麼特別成分,30ml要索價近千元?因為用上極之微細膠原蛋白粒子-「膠原肽」,這科研成本非常高,粒子微細至100Da,打破膠原蛋白一向是大分子,難以穿透皮膚的情況,以簡易外塗方式幫助肌膚增加彈性,改善皺紋和鬆弛。
呢支collagen prep serum水感輕薄,一接觸皮膚就'sir'晒入底層,超快滲透;我建議先用呢支serum打底,然後才覆蓋上述serum mask,就係'home facial double collagen'美肌效果,快速急救倦容喇!
-----
 
「皮膚要氧氣」-Sassou
呢個日本brand,大家記得一定係黃金護膚品!今次我分享的非黃金成分,而是新品氧氣面膜和皮膚保護膜精華霜。
Sassou O2 注氧緊緻面膜 $680 /140g
O2氧氣護膚都已經流行多年,仍然可以生存?因為有療效,尤其是即時可見嘅浄白肌膚,女性梗鍾意。
呢支mask與我以往用過的幾個品牌,最大分別是注氧外,還加入其他重要護膚成分......
植物胎盤素-令皮膚滋潤軟化柔滑,抗衰老。
EGF細胞生長因子-加速細胞代謝及保持年輕,維持肌膚健康重要成分。
熊果素-具認證有效美白肌膚的成分。
氧氣如醒膚?
原理是面膜成分接觸皮膚產生高濃度二氧化碳,滲進肌膚底層,刺激紅血球細胞釋放大量氧氣(波爾效應),煥醒肌膚和亮白去黃。
O2氧氣mask需要定時密密敷,喚膚療效才可以持久,人需要氧氣,皮膚同樣道理。
使用方法:面膜擠出是半透明乳液狀,當接觸皮膚約10秒左右就會慢慢轉化成白色泡泡狀,由細粒薄薄的變成大而厚,是氧氣接觸空氣的自然反應,敷5至8分鐘後,用手按摩泡泡,加強皮膚吸收,然後沖洗便可。
使用這氧氣泡泡面膜後,有即時很明顯白均色效果,亦有涼快降溫感,皮膚水分增加,所以提醒大家除敷在面部,亦應同時間敷在頸部,肌膚才不會兩截色吖!
-
Sassou 緊緻提升V顏精華霜 $680 /30ml
叫做「精華霜」,但非護膚首步,而是護膚的最後步驟,作為皮膚的保護罩。
使用方法:潔面>爽膚>精華素>面霜>*V顏精華霜
V顏精華霜似精華液水劑,易吸收完全無討厭黏膩感,塗抹手法是向上拉提,不要打圈,以助提升拉緊肌膚。
我會說是大包圍美肌療效,因有集合抗衰老的富勒烯、增加彈性六胜肽和Q10、鎖水保濕玫瑰果油和尿囊素、活細胞的EGF細胞生長因子,作為護膚的最後重要步驟。
-----
 
「皮膚要舒敏」-Vichy -Derma Center
敏感性肌膚和玫瑰痤瘡人士,特別啱用的護膚品?答案:真係唔多,Vichy係我經常推介給有此類肌膚問題的讀者,能令我放心分享,因為我媽咪就係長期用家,過敏性皮膚受控。問題皮膚都啱用,一般肌膚就當然更放心使用啦!
Derma Center 店內除了Vichy,仲有一個醫學美容品牌是我很喜歡的-SkinCeuticals,佢哋多款精華素極適合做醫美儀器治療後使用,灌注水分和修復細胞。
Vichy Ideal White Metal Whitening Sleeping mask $260/75ml
冬天或晚間開冷氣,皮膚被抽乾水分,睡眠面膜是有效鎖水護膚品。
大部分睡眠面膜也是標榜「補水功臣」,我的要求多一點,是希望兼有美白成分,咁就perfect!
Vichy美白系列的新成員,正是sleeping mask,不含防腐劑,經敏感肌膚測試,質感如啫喱般水分重,與舊有的Thermal spa sleeping mask相似,礦物泉水保濕舒敏外,新加入美白粒子配方,在皮膚上推開才爆破,就係新鮮囉!
視乎皮膚狀態和天氣,建議使用上有別:
天氣潮濕、皮膚狀態正常-爽膚後,塗精華素,直接使用睡眠面膜,注意薄塗便可。
天氣乾燥、皮膚狀態疲弱-爽膚後,塗營養導入液,然後厚厚敷上睡眠面膜一整晚。
-
Vichy waterproof eye make-up remover $180
我的缷妝步驟是非常嚴謹,深知潔浄的肌膚,是預防暗粒、粉刺和面黃最重要一環。
分享如下:
-先全面用棉滲透卸妝水抺一遍,帶走大量彩妝>
-然後用油加水配方卸妝液對應防水妝品,即是眼線和濃厚睫毛液>
-全面用卸妝油加水乳化洗一遍>
-最後用潔面產品,確保洗走殘餘卸妝油和污垢。
測試效果:以防水眼線液劃在皮膚,用Vichy卸妝液滲在棉按壓5秒,輕軾抹一下,立即卸走9成防水妝品。
當中油加水配方卸妝液,我強烈推介是Vichy呢支,已經用上好幾支了,能輕易缷走防水妝品,最重要是不澀眼,標明不含防腐劑,不引起粉刺,通過眼部敏感肌膚測試,適合任何肌膚使用吖!
------
 
「皮膚要白浄」-ACE Beauty韓國護膚品店
Clio Goodal素顏蝸牛精華美白霜 $198 / 50ml
「素顏霜」名起得相當好,有誰不想素顔皮膚看來都細緻白淨少瑕疵吖,家陣在韓國超級熱賣啊,標榜塗抹後皮膚一秒美白,唔使靠化妝,護膚品塑造韓妝透薄光澤感。
多個品牌也一窩蜂推出「素顏霜」,個人偏愛是Clio Goodal這個韓國牌子,它最出名係不脫色眼線液,我在日本藥妝店大批買入。
這素顏霜 Tone up cream比起別的品牌,勝在奶油般幼滑質感卻絲毫不油腻很透薄,特別適合潮濕天氣和我般混合性肌膚,論浄白妝效,是非常自然,塗抹後立即令原本膚色提亮和微白淨一級,去黃一流,唔會有假白面具感吖!
美白霜加入蝸牛黏液保濕成分、白參增強免疫力、美妝同步注重護膚。呢種叫'Tone up cream',亦是類似BB cream / CC cream,大家用後都要做足卸妝步驟啊!唯一要彈是沒有加入防曬效能,早上塗抹,記得先用防曬液打底。
-
su:m 魔法精華液 $560 / 100ml 
敏感性肌膚、缺水型肌膚、油脂過盛肌膚,有好選擇喇!
想穩定肌膚、健康活膚,呢支serum集合80多種綠色植物營養,經過1000多日提煉釀製和自然發酵,以天然素材幫助皮膚再生、增彈性、促進新陳代謝、保養細胞,不含香料、色素和防腐劑。
韓國護膚品和妝品大方向是以平價取勝,呢支賣七百多港元,在店舖仍然能成為熱賣長勝將軍,Why?
呢款魔法精華液提煉成本高-80多種綠色植物,而最強效用是令肌膚水油平衡,我塗抹一整日,T字位油脂的確是自然減少浮現,絕不是用會堵塞毛孔的「矽」成分塞住油脂,而是補水足就少泛油原理,好適合妝前使用吖!愈來愈多人敏感,這類以純天然植物,而且破天荒多達80種精選植物精華,很多問題性肌膚需要一試。
店長説:「長期使用增加皮膚彈性,可以收細毛孔。」明白了,收細毛孔這四個字,的確是女士們投資誘因!
 
P.S 以上分享的護膚品,在港鐵荃灣站「綠楊坊」商場地面層,就可以搵到喇!
-------------------------

全新概念食療養生館Y’s RECIPES隆重登場

Instagram

總瀏覧次數


相關文章
  • 8件值得投資護膚品
    追看我blog的讀者十居其九都是女性,而九成九共同嗜好係Shopping,今篇文章就是分享我去sho......
  • 潮濕天氣 皮膚療法
    現正值春天,超級潮濕回南天,對於皮膚有何直接影響? 促使皮脂油份分泌旺盛,接觸濕潤空氣中塵埃,容易......
  • 天然美肌 必逛wtc more新熱點
      Yeah,大豐收.......我手上咁多戰利品?全部都係護膚同埋化妝品呀......
  • 護膚 • 由預防開始
    隨住我的facebook page踏入10萬like領域,我每日收到讀者的inbox message......
  • 走漏眼!美容品牌的隱藏好物
    一張大碟10首歌,甚少歌手會將10首歌全部主打上台,結果有好些滄海遺珠,明明是好歌,卻淪落成甚少人知......
  • 價格划算 赴「日」購物清單 壓軸篇
    來到壓軸篇,繼續同大家分享我在日本東京之行,欽點必買性價比高又平又好用的護膚和護髮品,成為大家赴日購......
月曆
Yoko 今日蹤跡