2016年6月6日星期一
上星期四(2/6/2016),又再次在節目《姊妹淘》同大家見面,好多醒目讀者立即PM我,問我可否再詳盡介紹一下節目中的養生食材?
今次節目的內容幾特別,同上幾次我在節目中只講美容化妝產品不同,有一整個環節的時間分享我的食療心得,相信是這個節目的第一次。
 
節目中,我提到的分別有:
1. 滑腸通便  -  黑豆粉沖水
2. 止咳潤喉  -  黃金比例羅漢果陳皮粉
3. 修身減腫  -  三色炒米焗茶
4. 調補氣血  -  真◆三棗茶
5. 消暑去水腫  -  即焗薏米冬瓜茶
6. 救命解喉困  -  無花果雪梨南北杏水
7. 排毒解滯  -  山楂圓肉茶
8. 整體調理  -  養生飯
到底其詳細功效及製法是怎樣呢?今日一次過同大家重溫!
 
1. 滑腸通便  -  黑豆粉沖水
 
黑豆減肥法,在韓國及台灣大熱流行,我曾經都多番提及黑豆的好處。不過一般OL買了黑豆可以點處理呢?我身邊好多OL朋友最後只會放埋一邊。後來我找到炒好的黑豆再磨成粉末,一沖水便可以立即飲用,直接吸收黑豆的營養及好處,真係方便到身邊唔少朋友。
炒黑豆粉同樣將屬水帶寒的黑豆炒熟磨粉,中和寒性,除了有治水、消脹、下氣、治風熱等消暑作用外,豐富的蛋白質及不飽和脂肪酸,是近年韓國大流行的減肥食療。而且可以配合熟薏米粉,各半茶匙加一杯熱滾水沖開,每日一杯,滑腸通便又有去水腫。(黑豆粉查詢:35655971)
 
2. 止咳潤喉  -  黃金比例羅漢果陳皮粉
 
羅漢果陳皮粉是我為了幫一位勁常咳唔停的好姊妹而為她特別設計的。我將羅漢果及陳皮磨成粉末,再用我獨家設計的黃金比例,即需每次一茶匙沖一杯熱水,就可以快速潤喉止咳。
味道仲好好飲添。
 
3. 修身減腫  -  三色炒米焗茶
 
我非常喜歡炒三色米焗茶,我對這茶的暗號是「美人茶」,製法極簡單,將白米、黑米及紅米,分別以白鑊炒香,便可以滿埋一齊用來焗茶。可以增加女性氣血運行,排毒兼去水腫!
 
4. 調補氣血  -  真◆三棗茶
 
三棗茶是我的御用中醫錢太介紹給我的,我大約在2011年已經認識錢太,當時她已經叫我:「作為女性,一定要常喝三棗茶,唔好問點解,總之對你好。」當然,後來她慢慢解釋給我知,三棗茶有疏肝補氣血作用,對面色紅潤極好幫助,還可以改善手冰足冷情況呢。我在冬天氣差不多每日一大杯三棗茶呢!
 
材料:紅棗3粒+南棗4粒+蜜棗1粒
效用:補血提氣兼促進循環
製法:洗浄材料,紅棗及南棗去核剪段,以500ml熱水焗,1小時後搖勻飲用。
 
5. 消暑去水腫  -  即焗薏米冬瓜茶
 
大約一年前,我有一位傳媒好友想去濕,但她和大部份女性一樣,要方便又可以即沖即焗的去濕茶,便問我有沒有方法,於是,我又設計了這一個去濕茶給她。
點解女人咁怕濕?因為天氣一旦潮濕,就會影響脾臟功能,不利身體排水,吸收了的營養也會被阻礙吸收,最容易出現水腫、冇精神及乏力感覺,成個人冇乜胃口,嚴重者會有口臭,因為舌頭長滿利胎,成條舌頭都係白色就係非常嚴重的徵狀;連帶皮膚都會特別容易出暗粒及敏感。
 
6. 救命解喉困  -  無花果雪梨南北杏焗水
 
無花果雪梨南北杏焗水是我的救命水,秋天一定不能沒有佢!
無花果一定要揀美國出產的才好有紓喉解困功效,土耳其的無花果價錢雖然好便宜,但功效差好遠。
我有位女強人好友,甚麼都不怕,最怕坐飛機外出公幹,機倉乾到死,容易面乾唇烈,又唔夠膽敷住塊paper mask坐飛機,問我可以點算?
我教她,帶定無花果、南北杏、燜燒杯上飛機,一入禁區就搵餐廳加熱水(記住入了禁區先好加水,裝滿液體的燜燒杯過唔到關,同埋最好幫襯下餐廳先問人加熱水),到飛機起飛就有得飲!女強人照辨煮碗,去到外地酒店立即Whatsapp我:「真係掂!估唔到無花果焗水可以咁潤!好過敷面膜,由內到外都滋潤到。」
 
7. 排毒解滯  -  山楂圓肉茶
 
夏天非常適合山楂,有消滯降脂作用;冬天打邊爐更加要山楂,食多了都不怕。我自己對偏酸味的飲品有特殊愛好,所以山楂是我的好朋友,亦因為這個酸,才突出了山楂消脂的功效!
材料:山楂8片+圓肉8粒+杞子20粒
效用:消滯降脂兼清肝明目
製法:洗浄材料,以500ml熱水焗,1小時後搖勻飲用。
========================================
全新概念食療養生館Y’s RECIPES隆重登場
Instagram

總瀏覧次數


相關文章
  • 姊妹淘養生食療跟進!
    上星期四(2/6/2016),又再次在節目《姊妹淘》同大家見面,好多醒目讀者立即PM我,問我可否再詳......
  • 桃膠x雪蓮子 緊扣時尚美肌
    Fashion、Cosmetics固然是跟紅頂白的時尚戰線,養生界也一樣有周期流行性趨勢! 2......
  • $20降三高 邪惡飯局後必飲---木耳素湯
        整個2015年,最當紅的降三......
  • 補身兼痩身 我的「進階版代茶」
    今個星期終於開始凍,我上星期六已經開始打邊爐啦。香港女士特別鍾意打邊爐,我身邊唔少女性朋友都係火煱迷......
  • 上位素食天后 桃膠嫩膚增膠原
    如果你有睇《新假期》,早兩個星期,《新假期》編輯部製作了一個秋冬湯水滋養特集,其中邀請我設計一款滋養......
  • Yoko Tsang護子宮私密湯水方:「四大調經、促孕燉湯」
    子宮護理,對女性非常重要,也是很多女性疏忽了的人生大事。特別是上星期介紹了一個民間護理子宮的湯方--......
月曆
Yoko 今日蹤跡