2016年6月9日星期四

日圓持續高企,都無阻港人遊日雅興狂買,尤其是護膚品和妝品,呢件話榮獲幾年冠、另一件話No 1熱賣、仲有明星話題品.......最緊要一個字「平」,真的令女生們欲罷不能!

上個月,我在日本購入衆多最新熱賣話題護膚妝品,大家看罷以下我的精采推介,即使未能身處日本,都可以托好友帶回港、網上代購、水貨店搜刮等,輕易買到試用吖!

介紹產品之前,最多人梗係問日本邊度買到!我通常都話一般藥妝店都有,可能有些讀者誤以為係普通的藥房,其實要搵得最齊,一定要行多幾間,唔單止藥房,我連激安之殿堂、@COSME、任何百貨公司內的妝品店都係我的目標,例如日間會行妝品店,夜晚食完飯就會去激安之殿堂,買到凌晨兩三點,所以先會搵到咁多特別的藥妝品。如果時間有限,只可以行一間的話,新宿「AINZ&TULPE」絕對係首選推介!


我話佢係best of the best,因為樓高三層,貨量同款式都非常多,同埋有個重點:

2樓有半層係Cafe,同行的男朋友、老公、家長,或者對藥妝品零興趣的同行友伴,一於叫佢上2樓坐下休息下,上網打機打發時間,咁你就會買得好放心同安心。

而最最最最重要係,新宿「AINZ&TULPE」的地庫全層都係免稅櫃位,如果一般藥妝店,通常只有一個免稅櫃位,想免稅,隨時等45-60分鐘。我去咁多次新宿「AINZ&TULPE」,從未試過要等退稅,真正「速戰速決」,一分鐘都唔浪費。
呢個東京藥妝best kept secret,唔好同咁多人講,我同你知就算啦 ^_^ 
地址:東京都新宿區新宿3丁目36-10 ミラザ新宿ビルB1F~2F (JR新宿站東口對面、adidas隔籬)

入正題,今年夏天有乜必買品?最直接梗係重溫我的FB Live Video:https://www.facebook.com/yokocolumn/videos 其中的[HK$150 日本超平 好評 護膚妝品]
入面有完整介紹,而呢篇blog,就有其他補足。

話題遮瑕x筆刷
家陣買支名牌化妝掃都要幾百元啦!呢支日本遮瑕筆刷AREA FOUNDY,是雙頭設計,一邊是遮瑕掃,另一邊是遮瑕液,日本大廠出品,HK$200有找,我評為激抵誘惑價,梗要買啦!是2016春天新品,3月上市,在網路充斥達人和日模瘋狂分享,差不多是一致的好評,理想當然成為我東京必買清單!


呢期話題品是AREA FOUNDY遮瑕筆刷,雙頭設計,先在眼底點上遮瑕液,再用遮瑕掃勻開。¥2500/支

遮瑕掃是觸感一級棒的大和匠筆,掃毛濃密富彈性,能夠將遮瑕液刷得特別均勻貼薄,做出延展性極佳的超貼妝;而遮瑕液是加入美容液,水潤輕薄及略帶光澤,可於遮黑眼圈同時提亮修容,黑眼圈淡化,蘋果肌更是立現。我特別喜歡這化妝掃頭有蓋,保存較衛生,也方便外攜補妝。共有兩種色號:COVER 和NATURAL,我膚色較白適合用「COVER」,加上希望highlight效果顯見,呢隻色光澤感強。

使用方法:官方建議先用遮瑕液點在眼底三角位置,然後用遮瑕掃拖得均勻又夠薄。我建議可兼用於虎紋位作提亮,視覺上pump up皮膚,減輕紋理。

使用前 vs 使用後

淡化黑眼圈外,眼底也像打上了蘋果光,看來較精神和面容立體!

專業卸濃妝水
誰是日本平靚正定妝蜜粉?多年獲得日本最大美容網站@Cosme「蜜粉類第一名」,是Chacott,我在幾年前的專欄文章分享過,它於日本美容界乃權威品牌,芭蕾舞者專業彩妝品,最出名是蜜粉,防汗防油脂超持久妝,¥1500/盒,已有多達170g容量。

 

在香港和台灣就有很網民留言「沒有專櫃,如何信得過,驚用了假貨、過期倉底貨」,其實在日本藥妝店可輕易買到正貨。

我今次反而不是推介蜜粉,而是滄海遺珠的Chacott卸妝水 ,是專業用的,性質溫和而潔淨力特強,瓶身印上「特別為卸除舞台濃妝」,「供敏感肌專用」,「六大不含-化學添加物、油份、色素、酒精、防腐劑、香料」。用法是以棉浸卸妝水拭抺妝容,不用過水,使用後感覺是清爽乾淨,但防水睫毛液就當然不能卸清。500ml大容量只售約80多港元,抵用!


Chacott得奬蜜粉,在日本最新限定是「cool」系列,具涼意的蜜粉,加強抗汗溶妝效果。


Chacott卸妝水「供敏感肌專用」¥1500/500ml


可輕易卸除彩妝,防水妝品除外。

防倒刺潤甲膜
面部可以敷mask,指甲都有專用甲膜!
這支修護甲膜,在家DIY就可以享有專業美甲效果,用法是先潔淨指甲和抺乾,然後將營養液塗抹在指甲面連及甲邊皮約3mm,即是容易乾燥至倒刺甩皮部位,特別之處是塗上有色甲油後也可使用,當然亦可用在腳甲啦;待數分鐘完全乾透,就可以在邊位捽至捲起,然後整片撕掉。


專用moist oil in護甲膜 ¥864/支

這甲膜有什麼效用?為指甲及甲皮位置滋養,減少斷甲情況,更可即時令甲面帶微微亮麗,是DIY健康美甲好方法;根據盒上所示含有天然植物油,如可可芭油、黃春菊花精華、山桑子葉精華及海藻精華,所以每次敷上後,指甲都散發清新香味。個人建議每星期用兩次,保持指甲健康啊!

我幫家姐美甲:敷上修護甲膜待數分鐘,由白色變透明,代表完全乾透,便可整片撕掉,是好玩美甲療法。

 

========================================
全新概念食療養生館Y’s RECIPES隆重登場
Instagram

總瀏覧次數


相關文章
  • 日本性價比高 話題品 [上]
    日圓持續高企,都無阻港人遊日雅興狂買,尤其是護膚品和妝品,呢件話榮獲幾年冠、另一件話No 1熱賣、仲......
  • 遊日新品入手平價藥妝 (上集)
    我二月尾到訪日本八天,先大阪再東京,狂食狂買是指定動作!今次破天荒在大阪藥妝店做了一個「FB直播」,......
  • 日本大阪藥妝 (下集)
    我到訪日本大阪美容展外,在各大藥妝店又搜刮到什麼?以下是值得入手護膚、化妝、日用品,各具獨特效用唷!......
  • 日本大阪藥妝 遮瑕膏比拼
    早前,我到訪日本大阪美容展,率先汲取新資訊,現場見到很多美容趣料,上期在專欄詳細同大家分享了;此行,......
  • 護膚成分你要識!Vol 2 之 黑眼圈、收毛孔、預防暗粒成份
    上回「護膚成分你要識!Vol 1 之 皮脂膜」提出,在揀選護膚品時,先了解護膚品成份,就知道應該自己......
  • 日本性價比高 話題品 〔下〕
    如果你是剛剛click入,而又未睇過「日本性價比高 話題品 [上]」,可以先進入這個連結重溫上集:h......
月曆
Yoko 今日蹤跡