2014年9月1日星期一

如果你從不著重護膚,我都會希望你至少做好潔膚。

因為肌膚質素的分野在:潔膚+護膚 > 潔膚 > 甚麼也不做

大部份女性都是潔膚+護膚同時進行;少數女性及99%男性是甚麼也不做。對於甚麼也不做的人,我盡力勸他們做潔膚吧,至少清潔肌膚對他們而言不難,只當成沖涼的其一環節,也減慢肌膚衰老。

我近日的最大功績,是成功將老公打入潔膚行列,同太空人踏出太空艙登陸月球一樣具歷史性。因為他居然愛上用Clarisonic聲波洗面機!

左面是我過了超過一年的Clarisonic MIA 2($1,400),右邊就是成功導人潔膚的Clarisonic PLUS($1,990)。

你們不敢想像一個男人會用Clarisonic?我更加難以置信。因為聲波潔面潔儀中,我認為最好就係Clarisonic,最貴都係Clarisonic!因為聲波擦頭可以將毛孔的深層污垢震走,又可以去角質層及死皮,用完之後皮膚係爽、滑、無咁粗糙及具有光澤。

如果單講上述好處,唔會有男人信囉。如果跟住官網介紹的使用方法,更加唔會有男人跟住做(我知道有些買了的女士,用用下都懶做),所以我要用一個創新方法「教導」懶人。

終於俾我諗到,用「擠牙膏方式」洗面法,直接將潔面乳擠在擦頭上:

將Biotherm Homme的潔面擠在擦頭上(呢款潔面孔成朕鬚後水味,男士護膚產品一般都係這個味道,幾單調下),沖涼時一同洗面,由於部機係防水關係,呢個就係最方便的懶人包!

部機會自動設定一分鐘潔面模式,開機會一分鐘會停,我會安慰「用家」,呢一分鐘好快好快會過,期間毋須用力擦塊面,讓震動的擦頭帶來肌膚便可,千節唔好當成擦牙一樣用力擦就得。

結果用完,大成功!因為任何人都會覺得埋面變得好白滑,重點係過程非常簡單(因為我將佢化繁為簡),而我就被「投訴」,點解咁遲先話佢知喎。

洗面後用水喉水一沖就可以洗淨擦頭,懶人們,你當佢係支電動牙刷咁對待啦!


以上所講,都係為懶人們設計的懶人Clarisonic潔膚法,我自己係跟足正確步驟,先將潔面乳起泡,將潔面泡在面上打圈,然後用Clarisonic清潔面部,最後過水。

另外,敏感肌膚的人,一定要用敏感肌專用的擦頭。我有敏感肌朋友用完一次之後塊面紅晒,因為唔知道要換敏感擦頭。

最後一點要注意,擦頭每三個月換一次,但都不及保持擦頭乾爽緊要,用後要盡快吹乾擦毛,否則好易有一朕臭味。

————————

 


總瀏覧次數


相關文章
  • Clarisonic戰勝懶人
    如果你從不著重護膚,我都會希望你至少做好潔膚。 因為肌膚質素的分野在:潔膚+護膚 &g......
  • 暗粒緊急對策四步曲
    足足一個星期沒有更新網誌,是希望給自己一個悠長假期,因為農曆年前計劃多籮籮,希望給自己好好沉澱一下來......
  • 三大「潔膚神器」比拼報告
    洗面用手,正常不過;近年,洗面用機,成為潮流!用手故然最錫住荷包,但一部「好機」又真的能......
  • 愈食愈瘦 負卡路里Magic Food
    愈食愈瘦到底是一個都市傳說?還是比神奇女俠更神奇的神話? 當大家嚷住要節食減肥,身邊好友甚至經常感......
  • 沒有健康 那有夢想
    我有一個傳統,已經維持了六年,今年是第七年,就是在年初,我的出版商循例徵詢我該年出書的意願。老實講,......
  • 說紋.解治(下)眼紋篇
    早前同大家分享過,男士護膚的盲點是眼部,就算男性天生的衰老速度、膠原流失速度比女性慢,其眼部也特別容......
月曆
Yoko 今日蹤跡