2014年2月3日星期一

相信大部份讀者對花膠的認識絕對不深,甚至乎想買,都會覺得無從入手,始終花膠屬於「鮑參翅肚」的其中一份子,感覺已經覺得唔平!但其實花膠絕對係豐儉由人的食材,有平又有貴,不用太擔心要花巨額金錢去食,甚至比你出街食餐飯更平。

拍攝途中,連愛貓Bubebu都偷嚐花膠,人貓爭花膠!
還原基本步,我會食花膠的原因,主要是補充身體的骨膠原,是養顏美肌的最佳食療。特別是做了一些主要刺激膠原蛋白增生的光學療程如激光、彩光,或熱能療程如Thermage、Doublo、RF射頻瘦面緊緻療程後,這時進食含有大量骨膠原的食物如花膠、海參,對身體自己增生膠原蛋白非常有效,亦不會浪費了這些價值不菲的療程。因為我介紹你買的花膠,都比療程價平很多。
 
至於買花膠,由每隻要6位數字以上的金錢鰵、蜘蛛肚,至最平幾十蚊的膠筒都有,最貴的傳說最有藥用價值,撇除成效,稀有也是貴價原因,例如金錢鰵是中國國家二級保護野生動物,亦造成價格上揚的主因。野生的金錢鰵肚,被水上人稱為「海上人參」,就算自己僥倖捕獲,都不會把金錢鰵肚,而係留下來當「護身符」。原來當漁夫們出海遇上意外,傷重頻死,立即服食金錢鰵肚,可以有效拖延時間,延長生命力,趕回岸上急救。講到咁神奇,我自己都好想試下,不過真係未食過。我在海味街買花膠時,海味前輩說年初有海味行家賣了一隻7兩金錢鰵肚給內地商人,成功以$48萬一隻賣出,嘩,睇來食左真係識飛!
呢隻就係傳說中的金錢鰵肚,係我偷偷在海味鋪影的,鎮店之寶呀!
 
而花膠有分公乸,公的食療價值比乸高,售價也貴。有些平價魚肚不分公乸的,因兩者食療價值差別不大。
可以接受的價格而非常有食療價值的,首選產自印度水域的生開廣肚公(鰵魚),骨膠原非常豐富,爽口結實,用來做花膠扒極佳!只是大如面、約六兩重的生開廣肚公,售價要$15,000左右一隻,浸開後約有洗面盤般大,可以分多次食用,除非人多,好難一次過食晒一大隻。
我尋日blog中的手拿的,就係面咁大隻的生開廣肚公,留番將來懷孕時用來補身的;產後則煲湯飲,用來修復傷口用,特別是開刀生的媽媽,對傷口復原特別好,埋口特別靚!
 
我自己本人可以接受的,間唔中食下的,是約三兩多重的中隻生開廣肚公,約$4,000一隻,食療價值差不多,但售價平一大截。我通常將廣肚較薄的邊位剪出來煲湯,留下最厚的肚身做扒,一肚兩食,不錯。
中隻的廣肚公,大概係我一隻手掌咁大。
 
價錢最為大眾接受而效用高的,我介紹產自南美水域、巴西一帶的扎膠公片。因為是花膠公,效用高,口感是爽脆,用來煲湯的湯頭清徹。我曾介紹過的小扎膠公片,約$1,400斤(40隻左右)到約$4,000斤(7隻左右),有不同大小厚薄,視乎閣下負擔能力及食法。細隻的我通常用來燉鮮奶,或整花膠啫喱,大隻的用來炆冬菇雞、海參,或做迷你薄花膠扒都可以。這個品種我自己買最多,也囤貨最多。
圖中的扎膠公約$3,680/斤,一斤8隻,長度有大半本MORE咁長,同一隻$4,000廣肚公差不多價錢,不過隻數係1:8,初初想食花膠,又要食好一點的,這個不錯。
 
再低一級的是西洋肚,產自中美洲水域,這已經是不分公乸的貨色,價錢最大眾化,骨膠原成份亦多,千多元一斤(約20隻)細細隻的也很厚身,如果是相同厚薄的等級,其價格是扎膠公的一半,一樣可以用來煲湯、整花膠啫喱、炆鴨掌也建議初食者購買。
這是我最近新買的西洋肚,$1,680/斤,平得來夠厚,我自己偏食好黏口的花膠,食完上下唇黐埋一齊的感覺,令我覺得自己真係食了好多骨原膠落肚。
 
再來是報紙廣告最常出現的膠筒,好的膠筒約$800多一斤,大大的一包,可以食好耐好耐,功效比西洋肚少一點,用來煲湯最適合。再細隻的低級膠筒,已經是打邊爐用的貨色,但求過一過口感而已,等如去酒樓食$8一隻的大連鮑魚,點可以同日本乾鮑比?
膠筒是我媽咪以前最愛買的花膠品種,浸完之後打橫切開,好似魷魚筒的圈圈,我媽咪在我細的時候就係咁樣呃我食花膠,宜家當然知道她當時的偉大啦!
 
以上的花膠,價格都係偏貴,有冇抵食夾大件先?答案當然有,其實海味鋪有時會有些破損了的花膠,因為捕魚時整穿魚身,傷了魚肚;又或者工人在曬魚肚時,割穿了魚肚,結果是影響了賣相,浸發出來變成有穿爛的花膠。其實這些都不影響其食療功效,只影響了其售價,好似乾瑤柱一樣,原粒的同乾瑤柱碎,絕對不同價格。如果只係煲湯、整甜品,最後都係會切開一片片食的,你就毋須額外花錢買原隻的。或者你主要買來整花膠水洗濕疹舊患,這一類花膠是你的平價之選,但這類貨較少。
呢幾隻就係破損了的西洋肚,同上面原隻的西洋肚的外形係咪好大分別呢!我最近在同昌海味(2549 8100)就碰巧遇上,可遇不可求便買了半斤,$580有15隻,一隻都唔使$40,整花膠鮮奶,一人份量才需半隻。整花膠水搽濕疹舊患,最抵!
 
最後是假花膠,我最初是看壹週刊踢爆的,竟然是出自大型的海味連鎖店,後來東方日報也用來做頭條,都是產自內地的不法商人。看來國內的食品真係愈來愈離晒大譜,相信返大陸食毒藥先最安全,因為「無毒」,都係假的。

下一篇繼續食療篇!教大家整花膠個Friend---魚湯,我便經常用來襯花膠食!

總瀏覧次數


相關文章
月曆
Yoko 今日蹤跡