2014年9月2日星期二

美食界權威米芝蓮,都以米行先,你話米係咪好重要?(呢個冷笑話好凍!)

因為坐月期間要飲「代茶」去水腫行氣養生(重溫:http://vipblog.sundaymore.com/yokot/?p=13612),突然期對米產生興趣,更發現買米原來都係一門學問。

身為中國人,米是我們重要的食糧,又點可以馬虎呢?


首先改變我對米的觀念,是代茶中用到的紅糙米。

紅糙米的營養價值比白米高,高纖維素使腸臟運作更佳,更有抗氧化及使皮膚帶有光澤,咁多好處但又唔見好多人食,因為難煮(比白米要浸更耐才可以煮)及口感粗糙不佳,所以難成主食。就算用來煮飯一定要混合白米,比例為1:3。

亦因營養豐富,自然成為產後婦女的主食,但多數用來做糙米茶,例如代茶便是最佳例子。做糙米茶時,將紅糙米用白鑊炒至米香溢出便完成,然後用這些炒過的紅米煮茶。

靚的紅糙米,要去米行先買到,超級市場的質素較一般,靚的紅糙米,大約$16/斤。


既然一場來到,最好在米行買靚米,正宗泰國金鳳米就是首選。

 這些米比超市質素高,價錢要貴一點,不過亦要買得多。像我買原包15Kg的金鳳米,要$220/包,平均每5Kg要$73.33,但正宗泰國米的香味,在超市的商品中難以尋找。我這樣講米香很抽象,我最初都不太相信及理解,但當你試過正宗泰國金鳳米,就知道多一分錢好味好多分!

捨得食,當然以日本米最優質,我從小便喜歡食細細粒但肥厚的日本米,但如果煮飯時用全日本米去煲,只適用於壽司,做白飯的話,口感會太黐口,所以一定要溝米,一半泰國金鳳米加一半日本米就最適合。不過日本米真係好貴,由$165-$175/2Kg。以上三種不同的日本米,左邊新瀉米一向是日本米王級產地,米味及口感相當獨到;中間係因為被Kuma熊吸引了而購買,小朋友唔肯食飯,買佢可能有助食慾;右邊北海道米就第一次見到,買包試下啦,不過仲未食。

而最近就愛上用日本米煲粥,加兩隻南京鴨腎同$50唐排一齊煲,好味到嚇親我媽咪,因為日本米煲粥出來的米花美得曼妙,口感腍滑而具彈性,一般白米所不能做到!

 

最後是十八穀,另一種我一直都喜愛的穀物。


何謂十八穀?圖中便列出十八穀的份。

好處是高纖、低熱量,keep fit減肥瘦身中人士最適合,就在煮白米同時加少許十八穀同煮就成,簡單又方便。


以前我都是個買米唔知價的人,但一個BB的轉變,令你學懂更多事情,買米,原來係一餐飯的開始及重點,不可以輕視!

 

—————————————————————————

 

 







 


總瀏覧次數


相關文章
  • 米之言
    美食界權威米芝蓮,都以米行先,你話米係咪好重要?(呢個冷笑話好凍!) 因為坐月期間要飲「代茶」......
  • 補身兼痩身 我的「進階版代茶」
    今個星期終於開始凍,我上星期六已經開始打邊爐啦。香港女士特別鍾意打邊爐,我身邊唔少女性朋友都係火煱迷......
  • 炒米煮飯瘦身法
    自從我的同事跟我一起努力研究養生食療,有時我也會覺得她們比我更賣力都鑽研。 最近她們讀報發現,......
  • 坐月黃金期 非單純一個月
    懷孕時,我經常掛在口邊的說話,是期望坐月坐得好,再透過坐月期間的食療,給自己塑造一個全新的身體,......
  • FB直播重溫 智選家用美容儀器
    如何選擇合適的家用美容儀器,是我inbox內讀者問題的十大必問! 在4月22日,我曾經做過一個......
  • 預防眼紋 拒絕做低頭族
    最近,我以素顏姿態為某著名法國品牌拍了一條最新儀器facial demo短片(這條短片只供發佈會業內......
月曆
Yoko 今日蹤跡