2014年2月3日星期一

上回提要,要學整海味,先從鮑魚入手,所以有第一篇海味大冒險,重溫:http://vipblog.orientalsunday.hk/yokot/?p=10806

而上次未講到的是揀靚鮑魚的要點:
1. 要有「令」氣,帶有乾海產的應有的光澤。這一點要些經驗及對照後,才容易上手。
2. 珠邊要齊整,代表由新鮮鮑魚製作。
3. 腰圓背厚,食落才會有啖啖肉之餘,溏心亦會結實。
上圖三隻不同大小的吉品鮑,就是正宗靚乾鮑代表,有令氣,珠邊靚,腰圓背厚。
 
靚鮑魚有時更加係可遇不可求,媽咪教落,靚又抵買,係要買多D。例如上次去買吉品乾鮑,本來冇諗過買62頭的細吉品鮑,但只係$4,300/斤,除開每隻$70,加上又係靚貨,又淨番最後半斤,立即掃晒,亦係上圖最頂那一隻。
 
乾鮑的大小級別以重量劃分,亦即是行內術語的頭數。剛才提到的62頭,指1斤有62隻。(1斤約重604克)於是乎20頭或以下的為之大乾鮑、21-40頭之間的算中隻、41頭或以上為之細隻。
而我上次分別買了62頭(左)、35頭(中)及23頭(右)的乾鮑,售價分別是$4300、$7800及$14800。不過我當然不是全部一斤一斤咁買,最大的我只買了8隻,其餘都只是半斤。
半斤62頭一級日本吉品乾鮑就有咁多,只不過2千多,其實幾抵食,可惜已經被我賣晒咯。
 
其實乾鮑有甚麼食療價值?乾鮑之所以值錢,是因為乾鮑經製作曬乾後,營養價值比鮮鮑大大提升了6倍,特別是當中的礦物質成份及蛋白質大大提升了,對手術後的體力進補有極大幫助。當年我媽咪手術後,就立即飲鮑魚螺頭燉湯,體力恢復比其他同日做手術的人回復得更佳。所以老人家非常非常適合飲鮑魚湯,對身體營養補充十分有幫助!
 
學識分辦及揀靚乾鮑,當然去到最重要一環,落手煮!
下一篇教大家煲一個媽咪推介的大眾皆宜之選--- 鮑魚嚮螺煲花膠,有滋陰,養顏,活血,滋潤保健的作用。

總瀏覧次數


相關文章
月曆
Yoko 今日蹤跡