2014年9月18日星期四
世事就係咁!
每次有重要工作或約會,愈係希望皮膚理想指數爆燈,就愈係非你所想。
最普遍例子是結婚,為了big day,女士們之前特別下苦工,mask+facial+昂貴skin care.......無所不用其極,但妳又知唔知,太過補,過份活躍皮膚組織,卻有機會弄巧反拙!
-
我有例子分享:
今個星期五係我大學同學結婚,呢件喜事,早於我陀住7個月BB時已收喜帖。
當時還憂慮,同學即將的大日子,豈不是我生B後兩個月,究竟我的樣貌和體型變成如何......殘又黃?肥又泡?
話晒咁多年,同學們少見面,加上大家印象深刻是當年大學時期,雖則當時貌美稱不上,但無可否認廿歲出頭散發青春無敵本錢,哈哈!
若干年後,今次有機會齊人聚頭,相信談論話題必離不開工作、家庭、樣貌身型轉變。
-
當年大家玩到癲,今次見面定必勾起好多快樂回憶。期待星期五的聚舊,我特意安排連串扮靚程序:
星期一去了做雙效儀器,是微針射頻+無針破壁冷凍四合一精華導入,這是我長期有做的面部治療,一般建議是三星期一次,十次完成,收毛孔、細緻及緊緻皮膚,效果好好。我在坐月的最尾星期,瞞住老公溜出去做了這treatment一次,計埋剛剛的星期一,做咗兩次,是關陀B時咩儀器都要暫停,足足一年無得靠儀器提升肌膚質素啊!
-
本來,做完呢個微針射頻加導入treatment ,皮膚隔兩日已經靚咗,以往返家我都係用番常用的補濕精華加面霜,出事就係「過火」了,開了盒新ampoules ,一支3ml濃縮燕窩蝸牛精華,結果睡前搽上,隔了數小時已經爆咗兩粒暗瘡,回想也自覺失察:
1)我是混合性皮膚,所以不應使用太黏太厚質感護膚品,會阻礙毛孔呼吸。
2)塗後皮膚是泛起一層油,而且感覺未能完全吸收滲透,就應該立即用爽膚水滲棉抹走部份以稀釋。
3)精華是乳液狀非易滲透的水狀,皮膚不能吸收就再覆蓋乳霜,焗到爆瘡,真係唔出奇吖!
4)做儀器後,皮膚當下最需要是水份,並非太active細胞的護膚補品。
 
我嘅分享,是希望能指引大家警惕!
距離星期五同學結婚,仲有三日時間,我要暗瘡快D凋謝!
—————————————————————————
 
 

總瀏覧次數


相關文章
  • 預防爆瘡警告
    世事就係咁! 每次有重要工作或約會,愈係希望皮膚理想指數爆燈,就愈係非你所想。 最普遍例......
  • 【直播重溫疑解】光速消滅•暗瘡機
    上個月,我做了一個講解家用美容儀器的FB Live(點擊重溫:https://www.faceboo......
  • 月經前爆暗瘡?
    點解月經嚟之前,暗瘡就特別容易出現?這種防不勝防,每月一次的突發性周期暗瘡,究竟真正成因是什麼?......
  • 沒有健康 那有夢想
    我有一個傳統,已經維持了六年,今年是第七年,就是在年初,我的出版商循例徵詢我該年出書的意願。老實講,......
  • 說紋.解治(下)眼紋篇
    早前同大家分享過,男士護膚的盲點是眼部,就算男性天生的衰老速度、膠原流失速度比女性慢,其眼部也特別容......
  • 說紋.解治(上)頸紋篇
    有很多女士認為,一條紋就是歲月的留痕,但又會有那一位想要留痕? 雖然我一直強調,女性護膚應該愈早好......
月曆
Yoko 今日蹤跡