2014年3月4日星期二

利申:到目前為止,一件嬰物用品都未買過!

因此,現在正積極尋找要買的嬰兒用品。

但是,我真的苦無頭緒。到底買乜好?

結果當然係靠好友,以及估都估唔到,《康熙來了》又幫到我!


一切先從BB展開始。

花了半日逛完,我同老公只係睇中一隻木馬!

其實我們難得有一個共識,就係好怕一旦有了小孩子之後,間屋會徹底變成歡樂天地,完全被小朋友佔領!唯有盡量買有型的嬰兒用品吧。

而呢一隻木馬真係夢幻,就算要到BB一歲先適合,買定都可以當佈置家居,隻木馬咁精緻都只係$1280。由於要到一歲先適合,所以係打算在下年BB展先買,慳番一筆先,嘻嘻。


BB展冇收穫,唯有靠朋友分享,好友K推介Aprica的Baby Swing:

既是一張可搖擺的BB床,又可以變成BB飯桌,一物多用,零至四歲合適,探BB時見過實物,都留下幾深印象,結果佢一講就記得,如無其他更佳選擇,應該會買佢。公價$4590,不過上網有幾多較進取的商人,價格幾震撼。


咁到底睇完《康熙》,有甚麼重大啟示呢?

 
首先係奶粉,我們夫婦一致認為,毋須同全世界一樣買 / 爭最多人買的奶粉,所以節目中推介的Glico ICREO。

據說是日本皇室御用奶粉,成份最接近母乳,加上使用北海道的牛奶製造,連日本公主愛子都係飲Glico ICREO。網上售價大約$290/罐,大量供應,應該會係我目前的首選。

然後是BB車,本來的頭號首選,是節目中其中一位明星媽媽「一個BB買六部」的Stokke!

它是一部非常高姿態的BB車,也是荷里活名人的指定「車種」。除了夠大夠穩、可360度原地自轉,亦係唯一親子度最高的BB車。因為佢可以咁樣:

任何情況下,媽媽可直接彎腰同BB親吻!作最親密接觸。

而節目中,明星媽媽們都非常中肯,Stokke摺合後非常巨型,普通車尾箱放唔落,除非係揭背車或尾箱空間特大的車種才放得入。而且不能單手摺合,根本不適合進入公共車輛。所以好快地決定放棄入手,BB車之選仍要繼續考量。

 

BB床方面,目前的心水之選係丹麥的Leander Baby Bed Walnut:

設計上最合心意及入眼,可以話係木之中的最高工藝。功能上可以由0歲用到6-7歲,由BB床演變成小童床。當初在利園二期看到時,只係留意到係陳慧琳做廣告親身示範,但經過資料搜集後,又真係好好用咁喎,只係售價都算係BB床中之冠!

 

先諗下以上基本「裝備」先,不過連最最最最基本的「走佬袋」都未買,會唔會有點本未倒置呢?

 

——————————

本週《MORE》專欄精采內容:

我懷孕了!

在MORE執筆三年,遇上無數女讀者的提問,當中不乏詢問懷孕時使用護膚品應注意事項;解答這類問題於我毫無難度,何況有醫生朋友從中輔助,加上現在自己懷孕,也就能親身體會了解更多呢!是的,終於在專欄中同大家公告這人生開心大事!

請留意今期《MORE》雜誌內我的專欄。

Instagram


總瀏覧次數


相關文章
  • Yoko養生調理講座---開講!
    「女人要靚,一定要錫自己多D!」這句說話我經常掛在口邊,亦是我一直在這裏宣揚的訊息。只是知易......
  • 孕媽媽不能太操勞的原因
    沒有發blog文兩天,原因很簡單,正在為今年的新書拍攝相片。 6pm開始的拍攝,一直至凌晨1a......
  • 開心的懷孕生活
    還有不足三個月,BB就要出世了! 由現在起,當完成手頭上的工作後(約5月尾),便會減少工作量,......
  • 「長胎唔長肉」孕婦專業按摩/OL 瘦身消勞損按摩
    一向喜歡定期按摩,好處多籮籮,去水腫瘦身、按出理想身段-腰細D、Pat挺D、胸高D,仲可以令皮膚彈性......
  • 媽媽失心瘋購物分享
    利申:到目前為止,一件嬰物用品都未買過! 因此,現在正積極尋找要買的嬰兒用品。 但是,我......
  • 懷孕第18週 開始花膠進補
    上星期,如常找萬全堂錢太,就在針灸期間,錢太突然問我有冇食花膠? 這是我第一次在她口中聽到中藥......
月曆
Yoko 今日蹤跡