2014年9月8日星期一

有讀者問我購買嬰兒用品心得,心得只有一個,買過錯過便知合不合用,簡言之,交下「學費」就一定冇錯!

從未生就買定,到BB出世後都合用的產品,不多,屈指一算,Combi的電動餐椅床係少數成功購買個案。

由於BB有自己的睡房,所以有需要多一張床放廳,餐椅床就是最佳選擇,初生時是一張流動BB床,長大後會變成餐椅,用途非常廣泛,我會用不可或缺來形容。但Combi的電動餐椅床就多了電動搖擺及播放音樂功能,就是整張餐椅床的亮點!

 

如果你仲未明甚麼是餐椅床,先講解一下:

1. 佢可以係一張普通的初生嬰兒用BB床

2. 6個月大的嬰兒起,可以成為餐椅

所以餐椅床係一張可以用好耐時間的BB用具

 

小王子有自己嘅房間,住喺舒適「金魚缸」!Combi就可化身床仔,BB跟住我全屋四圍去喇!

 

在我身上,我的小王子是個「百厭星」,無時無刻都要黐住人,又唔肯點瞓,又鍾意撩人傾計(要人不停同佢講嘢先唔會喊),未夠2個月,已經「過度活躍」。所以呢張Combi極好,我在廳睇電視,佢就跟我瞓廳;我入房寫稿,又可以推埋佢入房;連我煮餸,佢都可以跟埋我入廚房,一路煮一路同佢傾計計,Woooow,perfect!

小王子預備洗白白,Combi車又可以由廳送到去目的地!

 

Combi 有幾種音樂內置俾BB聽,我睇過日本主婦拍嘅短片,神奇事係咁......BB趟在Combi餐桌椅上喊爆,當聽住音樂加埋自動搖搖搖時,竟然喺十多秒瞌眼瞓,之後真係瞓著咗。哈哈,我就決定要靠Combi代替我懷抱,等我多D時間工作。

 

同埋,Combi呢張餐椅床,攜帶都尚算方便,早前出席家族宴會,成張床擺入車尾箱再帶到酒店宴會廳都得,好過用BB車,因為所有親戚好友都好方便「參觀」佢,呢個係非常大的好處!

我住的大廈有一個「媽媽會」,每日都有集體親子活動,我就成張床推落樓一齊聚會,真係方便到唔信。

 

—————————————————————————

 

 


總瀏覧次數


相關文章
  • 必買電搖餐椅床
    有讀者問我購買嬰兒用品心得,心得只有一個,買過錯過便知合不合用,簡言之,交下「學費」就一定冇錯!......
  • 首爾必買!韓國爆紅妝物逐個數
    我剛剛去了韓國一趟,了解最update K-Beauty。近年韓國明星妝容、gimmick護膚妝品通......
  • 我的心水粉底液和定妝粉
    一個妝容,亮點在哪?無瑕肌膚?深邃大眼睛?飽滿水潤珠唇? 我的首選是「無瑕肌膚」,靠化妝為皮膚......
  • 營造韓系水噹噹裸妝秘竅(上)
    去完韓國一轉,真的非常欣賞韓國女性的靚絕裸妝,是何等的水潤透薄富光澤,如剝殼雞蛋般無比滑溜,這樣的皮......
  • BB床之選
    我還記得,當知道自己懷孕時,便開始張羅需要購買的嬰兒用品。然後,肚子漸漸隆起來,當時挺著肚子,和......
  • 新手媽媽買甚麼(三)
    新手媽馬要買的東西真太多,上一篇「新手媽媽買甚麼(二)」的購買清單絕對未完,緊接下來又有很多要買......
月曆
Yoko 今日蹤跡