2014年10月14日星期二

又到大閘蟹季節,我呢個蟹痴又食指大動!

講起揀蟹,無論陽澄湖、太湖、牧牛湖,或最近興起的荷蘭大閘蟹,我一向都認為質素年年不同,不同的蟹商又有所不同,所以要決定該年那一個湖最佳,真係要食均晒先知道。

所以我通常揀大蟹去食,寧願食一隻大蟹,好過食四隻$100/4隻的迷你蟹,無論膏蟹及肉味都大大超越細蟹。

揀蟹最好去上海老店,銅鑼灣老三陽、九龍城新三陽一向是我首選,因為叫佢俾多啲薑都一定冇話托手踭。揀$380/斤左右的6両大蟹(約$160/隻),一定爆膏又好味。

每年都有唔少大閘蟹新店登場,例必成為飲食傳媒的追訪對象,如果年年都講嗰幾間名店大店,編輯唔悶,讀者都會悶,所以發掘新店就自然成為每年的其中一個編採方向。

咁今年又有邊間觸目新店呢?最近我的facebook被幾位舊傳媒同事洗大閘蟹版,全部購自同一間蟹店,有齊facebook page連結同instagram,又有名廚讚好,連徐濠縈都有份食,仲有《飲食男女》神秘測試獲得冠軍。咁強勁宣傳,終於燒到埋身,上星期收到電話,原來係好友的老公主理,店名叫「泓泰」,主攻網上賣大閘蟹,於是今年第一蟹,奉獻給泓泰。

全程用Whatsapp訂購,店主推介5両半太湖大蟹最抵食,16隻收$1,520,即$95一隻。究竟抵唔抵呢?上星期日我去九龍城新三陽睇過,太湖5両半大蟹賣$115/隻,係抵喎!

我部Miele蒸爐全年最忙就係蟹季,已經陪咗我8年,一大粒掣就係舊款型號的證據,新款轉晒做觸控操作咯。

將紫蘇葉放在蒸架上,再將大閘蟹反轉,100度高溫蒸28分鐘就搞掂!(5両以上大蟹要多蒸5-8分鐘,否則唔夠熟)

蒸爐一響,即刻有得食。將蟹剝開,爆晒膏唷!

今年食蟹時,在洗蟹洗刷到最後一隻的時候,忽發奇想,其實自己可以高科技洗蟹,點解唔好好利用。

首先應該開動Panasonic電解水機,用pH值10的鹼水洗淨蟹身,將湖水的有毒污染物中和;然後用Clarisonic聲波刷頭,將蟹殼隙的污泥震走,減省洗刷時間,最後放入Miele蒸爐就完成。

一於下次試下先。


總瀏覧次數


相關文章
  • 大閘蟹狂想曲
    又到大閘蟹季節,我呢個蟹痴又食指大動! 講起揀蟹,無論陽澄湖、太湖、牧牛湖,或最近......
  • 高溫催老 冷肌凍齡
    我早前為Y's Recipes嚴選引入的法國新概念產品,利用冷凍療法結合神經學延緩皮膚衰老,......
  • 護膚疑問Q&A 小細節大功效
    我經常感嘆,護膚真是一門博大精深的學問,即使我長期鑽研,努力吸收新知識,仍有很多需要學習的地方啊!不......
  • 如何塑造水潤妝容?
    每次朋友聚會,我都會成為大家的護膚養生顧問,最近就有女性朋友因為膚質偏乾找我求救,她平常上妝後皮膚會......
  • 我的敷片裝面膜秘技
    作為敷面膜專家,家中坐擁面膜山,我曾在Facebook直播中素顏無私分享畢生敷面膜秘技,才發......
  • 如何食極唔肥?
    很多讀者都知我的食量驚人,幾乎可稱得上「巾幗不讓鬚眉」,哈哈!不過,大家更有興趣的往往是我「食極唔肥......
月曆
Yoko 今日蹤跡