2014年2月3日星期一

四川雞煲,令我又愛又恨啊!

好惹味但好辣好燥,次次食完仲由頭到腳衫褲鞋襪雞味久久不散,朋友都怕咗陪我食,唉!
我至喜歡是「隨變雞煲」,指定灣仔王子酒店側嗰間,九龍區那間生料唔掂。
 
究竟,雞煲點樣可以健康養生滋補?
梗係自家熬製湯底啦,無味精、不下鹽,我用的湯底主料就是瑤柱,配搭紅棗(去核就唔燥)、薑片、蒜頭和蔥頭。
呢個湯底促進氣血,極啱手腳冰冷女士;味道非常鮮甜,至正係生滾新鮮雞件後,連湯都可以全喝掉啊!
如果不吃雞的,可用豬柳或鮮魚起片。
 
瑤柱食療價值:
瑤柱含有蛋白質、碳水化合物、维生素A、礦物質如鈣、鉀、鎂等營養元素。
有助分泌胃酸幫助消化;潤肺補腎,適合氣虛體弱人士食用,懷孕及老人家也適宜,痛風患者則不宜。
以北海道乾貝(瑤柱)產地最靚;貝身色澤金黃、乾身為之靚貨。
-
自家熬製湯底:
Step 1: 洗淨瑤柱8粒,以室溫水浸軟半小時(水量蓋過瑤柱便可),留水備用。
Step 2: 以少量油將薑片、蔥頭、蒜頭爆香鑊。
Step 3: 將已浸軟之瑤柱揸乾水,加入鑊爆香。
Step 4: 倒入之前浸瑤柱的水落鑊,再加多約10碗水;熬30分鐘就成5碗濃湯。(紅棗在湯完成前滾10分鐘便可-大家記得去核就唔燥)
-
湯底弄好,就可生滾新鮮雞件,建議預先揸薑汁將雞件醃半小時,味道更醒胃。
-
雞件全吃掉後,湯底變得極濃,呢刻至啱滾蔬菜,我嘅首選係冬瓜件,吸盡湯底精華,豐富纖維及助去水腫。

總瀏覧次數


相關文章
  • 爆好味有機果汁糖 懷孕期間都食得
    愈來愈覺得自己住了一個小朋友在身體裏。 事實上,自己肚裏正住了一個小朋友,不知道是否受BB影響......
  • 愈懷孕愈快樂 之 約你食餐飯
    如果你相信快樂可以令人語無倫次,我嘗試組織一下我的近況。 懷孕原來可以傳染! 上周六......
  • 笑談射鵰 暢飲英雄宴
    如果有留意我的facebook page,上星期四有幸獲邀出席一個富特色的晚宴,能和名模楊崢......
  • 必食平靚正膠中之王「白花膠」 /烹調篇
    我要將近期發掘到的平靚正「白花膠」公諸於世,同讀者分享,先有由我設計的簡易製作「滋補白花膠燉湯包」,......
  • 懷孕前調理養生篇(三 之 上篇)冬蟲夏草健體
    懷孕前調理好評如潮,出乎我意料之外,相信繁忙工作及生活壓力令女士們的身體都變差了。 第一篇:中......
  • DIY消脂瘦身茶
    雖然自然懷孕了,但仍然要照顧一下讀者的需要,例如沒有身孕的你,唔想同我一樣「腹大便便」,其實極之需要......
月曆
Yoko 今日蹤跡