2014年3月17日星期一

昨天講過,要教大家整一個方便到極的燉湯。

因為職業女性,時間寶貴,你花得起幾多時間去買材料,然後回家準備材料?


所以我今次設計呢個湯包,係可以將所有材料送到你屋企、office;回家拿著湯包行入廚房,15分鐘就可以完成,行出廚房,你有寶貴的90分鐘卸妝、更衣、煲劇、清理家居、趕埋份文件,以至一切你想做的事情;90分鐘後,燉好,飲得!


有幾方便?方便到我可以經常落廚,一星期整三日,除了因為好好味,更係我第一次設計養生湯包---「冬蟲草燉白花膠」!千奇咪以為勁貴又難整喎,由我出手梗為讀者計過度過啦!仲有一個無冬蟲草版本添!

關於這個燉湯,我特別要求相熟海味鋪幫我找女人之寶「白花膠」!


細細個的時候,我媽咪就係燉白花膠給我們一家人調理。到今日,我媽咪仍然到白花膠念念不忘,加上網上媽媽討論區中,成日都有話一定要食白花膠先好,但我在海味鋪都唔多見到白花膠,事實上係咪咁神秘限量呀?


原來我媽咪當年所講的白花膠,是本地的野生白花鱸魚的魚鰾所得來的白花膠,今時今日已經絕跡。現在所謂的「白花膠」,已經是中國、印尼的養殖白花魚(有鹹水及淡水之分),功效比不上當年,但價錢同當年一樣昂貴。


於是我拜託海味前輩找抵食又有功效的白花膠,終於找到這一種中國湛江的白花膠,細細隻、薄薄一片是其特點,而且屬於公肚,功效亦不俗。但這種白花膠,加上冬蟲草,便成就了我心目中最理想極品補湯的「冬蟲草燉白花膠」!

這些中國白花膠薄薄的一小片,勝在浸發極方便又易處理,又係公肚唔會瀉身(不會溶),雖然薄身但膠原蛋白夠豐富,養顏同時有女性調理功效!


理想中的燉湯材料出現了,但我有另一個更加需要解決的難題,就係要方便大家。正如我之前所介紹的雞泡膠湯包,一切雖好,送到上門,但仍要麻煩大家去豬肉檔買件瘦肉,又要一定的準備時間,都市女性花得起金錢,花不起時間呀!


所以我設計這個燉湯湯包時,便加入金華火腿代替瘦肉,可一併送上門;南非大紅螺頭本身滋陰,味道濃沃,但要浸發一晚才可以燉,於是我提出將紅螺頭切片,只需凍水浸5分鐘便可立即燉湯。白花膠用滾水浸2分鐘再轉凍水浸3分鐘即可,最後將所有材料放燉盅內,加4碗滾水燉1.5小時便完成,由開始製作到飲得落肚,2小時內一定得,連我自己都驚訝太方便,依家幾乎晩晩飲呀!


首先介紹由我設計的「冬蟲草燉白花膠」湯包材料:

1. 西藏那曲小支冬蟲草4支

2. 中國白花膠5隻

3. 切片南非大紅螺頭1両

4. 金華火腿1両

5. 新疆紅棗4粒

(這湯包料是供一次性製作,無須加瘦肉或鹽已夠濃味,更足四人份量,我就同老公二人享用!)


示範俾大家睇,點樣極速完成這個燉湯:

以下呢個係簡化易明版,適合有一定廚藝人士:

1. 將螺片、蟲草、紅棗浸水洗淨,紅棗切條去核。

2. 將白花膠用滾水浸2分鐘然後轉凍水浸;火腿汆水後切粒。

3. 將所有材料及四碗熱水放入燉盅燉90分鐘完成。 


如果你係新手,以下為詳細版本:

Step 1)首先將蟲草、紅棗及切片螺頭浸水。

(圖中的蟲草份量同湯包不同,係我自己加料)


Step 2)然後煲水,是用來做燉湯的水,因為必須下熱水來燉湯才可輕易迫出鮮味。

Step 3)再煲另一煲滾水,用來浸白花膠用。這時候開始洗淨蟲草、紅棗及螺頭片。

Step 4)當水滾,將白花膠放入去,蓋回煲蓋,立即熄火。熱水焗2分鐘後,便撈起白花膠,轉放凍水浸。

Step 5)這時候再翻熱水,水滾後放入金華火腿,轉慢火汆水,2分鐘便可。

Step 6)同時間將紅棗切半(或切條),去核。

Step 7)將紅棗、螺頭片、蟲草及白花膠放入燉盅。將金華火腿從水煲取出切件(或切絲,我自己就用較剪剪成細塊),放入燉盅。

Step 8)將4碗滾水倒入燉盅材料內。

Step 9)由於我是用蒸爐燉(題外話,Miele真係無得頂,有買貴冇買錯呀),如果你同我一樣,就將整個燉盅放入蒸爐,用100度蒸90分鐘即成!冇蒸爐的話,用一個高身水煲,加一個蒸架,水滾後將燉盅放入水煲蒸架上(水位應在燉盅一半高度),轉中火並蓋上煲蓋,燉90分鐘即成。


以上製作的準備過程,我用15分鐘左右完成,放入蒸爐加多90分鐘,1小時45分鐘就有得飲。新手都應該不會花多過30分鐘準備工夫,我認為已經是幫到最極限的地步,只有地獄廚神才會完成不到吧!

這個燉湯,我之前試過配搭不同材料,煲過多次實驗才介紹給大家,最後得出療效高又美味的湯方。我會以驚為天人來形容,因為不單我本人,我的家人及朋友試過都極讚,有蟲草已經夠進補又矜貴,連白花膠都用到,每個人聽見都瞪大對眼問我:「為煲燉湯,你竟然去到咁盡!」加上金華火腿的肉味、螺頭的海鮮滋味、紅棗的果實香甜味,是對你味蕾的華麗考驗。連湯渣都係極品,螺片、火腿、白花膠及蟲草,從不食湯渣得朋友都幫我食清光!


這樣既矜貴又方便且十分易整的燉湯,好貴嗎?由我出手,一定不會,只需$300一份,足一家四口食用,相信在酒家可訂價千元啊!又蟲草又白花膠又嚮螺,煥發精神身體健康,滋陰養顏,補而不燥。


Yoko讀者優惠價:「冬蟲草燉白花膠」湯包 $350一份/供四人份量燉1次,四份特價$1,200

包括:

1. 西藏那曲小支冬蟲草4支

2. 中國白花膠5隻

3. 南非大紅螺頭切片1両

4. 金華火腿1両

5. 新疆紅棗4粒


另有普通版「白花膠燉螺頭」湯包  $350一份/供四人份量燉2次,四份特價$1,200

包括:

1. 中國白花膠10隻

2. 南非大紅螺頭切片2両

3. 金華火腿2両

4. 新疆紅棗8粒

 

——————————

本週《MORE》專欄精采內容:

拆解「生蛇」謠傳

「生蛇」謠傳好恐怖!有人話俾蛇纏身一圈就會死亡?究竟誰是生蛇高危者?是否高度傳染病?症狀是怎樣的呢?有什麼辦法解救?

請留意今期《MORE》雜誌內我的專欄。

Instagram


總瀏覧次數


相關文章
月曆
Yoko 今日蹤跡