2014年2月3日星期一

最近愛上了Potluck,多得好友Miffy慷慨借出豪宅單位,廣邀衆友人每人煮一味,難得大家也樂此不疲,四處找好味食譜,發揮所長。

 
豪宅3,廚房都2百,實在太令人羨慕了......
塞滿廿人共煮都無問題啦!
仲搞笑扮肥媽節目打開人雪櫃,睇吓有咩啱煮,除咗自備花膠BB,
我仲為朋友們「搶劫」咗Miffy家中的花膠加料,大家興奮到不得了呀!

由於並非天生廚神,在Potluck中最能發揮我所長的,一定是甜品!
再者,其他參加者多數係「業餘廚神」,大多需要比原定時間更長時間預備一道菜式,所以我寧願作一些三扒兩撥就可以完成,仲要可以用「美顏」突圍而出的甜品,留番多D廚房時間比其他人努力啦!

於我而言,就算簡單如甜品,我都希望將它功能化,最好有美顏食療作用,例如今次教大家製作的「杏汁花膠雪耳......
有咩好處?
雪耳有「平民燕窩」之稱,含有黏多糖及17種有益氨基酸,有嫩膚、祛斑、美白效果
杏仁可以健腸整胃,幫助排便,從而減少暗粒及毒素積聚在體內;更具美白肌膚效用
至於花膠的好處,我已講了多遍含豐富蛋白質及骨膠原有滋陰養顏、提介皮膚彈性、增加骨節韌度,及加速傷口癒合。

「杏汁花膠雪耳


材料:
去衣南杏 --- 半斤 $45(目前市價約$90/斤)
漳州丙耳 --- 半兩 $7.5,約3-4顆(目前市價約$15/兩)
扎膠片 --- 3隻 $90(用約$1,300/斤的扎膠片即可,如想口感更佳,可選高一級較大隻的、約$2,000/斤)
冰糖---方糖尺碼約7粒 $5
以上為12人份量 (我當日煮俾全部朋友食啊!)

材料很簡單,價錢亦便宜,所費功夫亦無幾,而我最著重是加極少冰糖的!
只要大家親手煮過一次,就會發覺如果要做到甜品店的甜度,你需要的冰糖數量可能要半斤,怕怕了
我而言,這樣實在太不健康,我崇尚自家製的健康價值,我情願品嚐杏汁的香、花膠的口感及雪耳的咬勁,淡一點又何干呢!如果你真的不習慣,可按自己所喜歡邊煮邊加入冰糖調味。


做法:
1. 浸發花膠,可參考舊文:辦年貨攻略(下)
 
2.  同時間用暖水浸雪耳約15分鐘。要留意一粒乾丙耳可以發得好大好多,
如發覺過量,可以留起下次備用。發完後再用清水過淨,用手剝細便可
 

3. 製作杏汁過程較複習。先將杏仁洗淨,放水浸30分鐘使之化。

之後連水再用攪伴機攪成糊狀,完成後要再用罩籬隔渣(否則入口會有好多細砂似的);如果你家中的攪伴機夠勁,磨出來夠幼滑的話,又或是設有隔渣功能的,可以免去人手隔渣這一步驟。
你當然可以用坊間杏仁粉來代替,不過我覺得現搾的杏汁才新鮮,而且自製平得多。這道甜品的關鍵是杏仁必須夠幼滑。


4. 將已打磨杏汁、切段花膠、雪耳碎一同放入,大火滾轉中火(太稠可加入熱水),塗逐少加入冰糖試味,煲10分鐘便可享用喜愛蛋白的滑溜口感,可於熄火前一分鐘加入拌勻便可
 
Yoko「杏汁花膠雪耳
完成喇!好滋補養顏,大家睇都知足料頂呱呱啦!
 
 
同昌海味
西營盤德輔道西149號地下(近東邊街)
電話:25498100

總瀏覧次數


相關文章
月曆
Yoko 今日蹤跡