2014年7月1日星期二

上星期,我的陪月進行實地家訪,為她的工作做準備。

家訪目的是了解我家中廚房的操作、BB房內的物件、BB需要的物資是否齊備等等。

這一部份,我很放心地交給我媽咪處理,由她於陪月員詳談,因為我媽咪年青時是專業的「湊仔婆」,照顧初生BB全無難度,不過我不想她額外處理我在坐月期間的飲食調理,所以才聘請一位專業陪月。

她們面試時,我繼續落力玩貓,真期待我的BB可以同Bubebu一樣可愛!

 

面試前,我問媽咪,點樣可以問得出陪月夠唔夠功力,她答我:「問佢點煮餸,同點處理食材!」原因係要知道佢對食材的了解,就知道佢可唔可以憑食療幫到我。

她給我說了一個真實個案。

話說她的雀友家住渣甸山,一向捨得食,本身對食材已經很了解。雀友的寶貝女懷孕了,愛女自己請了一個「星級陪月員」,雀友愛女心切,第一次見面就帶「星級陪月」去自己相熟的海味店買料。

雀友幫襯了她自己的海味店超過30年,熟絡程度盡在不言中,豈料「星級陪月」到店後猶如百彈齋主上身,將該味的所有海味彈到不值一文,仲話如果唔係你有相熟海味店要幫襯,佢仲可以一條龍幫你買齊所有材料,「唔使勞煩媽媽同婆婆落鋪揀咁辛苦!」雀友看在眼裡,早就氣上心頭,就睇下「星級陪月」的眼光有幾出眾。

豈料原來無料扮有料,催奶用的章魚香味撲鼻就彈話唔夠乾、蟲草就話大支的唔夠細支靚、仲話乾鮑唔夠澳洲青邊鮑又平又正,我帶你去邊度邊度買急凍青邊鮑啦。最後買了很多普通貨色回家,因為「星級陪月」話夠用。

返到屋企,雀友丈夫一睇,已經質疑雀友平時都唔係買二等貨色,何解今次會買到咁?一輪了解,認定「星級陪月」不滿雀友帶她去相熟海味店而非她指定的店鋪,冇「回佣」收所致。其中雀友丈夫認為,所謂「星級陪月」話澳洲急凍青邊鮑好過日本吉品乾鮑,根本係無中生有,咬定「星級陪月」唔識煮乾鮑所以有此偉論。最後要雀友丈夫親自出手買貨,使多一筆之餘,仲真係發現「星級陪月」唔識整乾鮑,所以咪主張用青邊鮑一解凍就得;坐月期間更發現「星級陪月」除了把口真係星級外,其他一無是處,最終婆婆與陪月相處得並不愉快。

 

有此經驗,我媽咪與我的陪月就在廚藝及食材選擇上交鋒,最後一題以日本吉品乾鮑定急凍青邊鮑定生死,結果大家都同意前者絕對優勝,但因需較多時間處理浸發,需預早告知及浸發。

 

如果我可以如願順產,十二朝後便可以用乾鮑燉老雞進補,對體力復原非常重要。急凍青邊鮑勝在湯水鮑味濃,但營養值價比日本一等乾鮑低十倍。當然,每個人的預算亦不同,應以個人負擔能力作定奪。

 

而我很幸運,身邊對我厚愛我的人很多,我的相熟海味店知我要買坐月食材,特別割愛一份2008年產的日本吉品乾鮑。非關海嘯前後因由,而是經過一段日子熟成後,溏心度、鮮味及營養價值都更上一層樓。

上圖的是2008年產的日本特選級吉品,下圖是2013年產、我年初買的日本特選級吉品。舊貨所散發的香氣明顯比新貨更濃厚,熟成的色澤更顯高級。

 

大約14日後,BB就要出世了,倒數進行中!

—————————————————————————

 


總瀏覧次數


相關文章
  • 陪月分高下
    上星期,我的陪月進行實地家訪,為她的工作做準備。 家訪目的是了解我家中廚房的操作、BB房內的物......
  • Yoko Tsang護子宮私密湯水方:「四大調經、促孕燉湯」
    子宮護理,對女性非常重要,也是很多女性疏忽了的人生大事。特別是上星期介紹了一個民間護理子宮的湯方--......
  • 乾鮑補身術 平肝固腎養陰
    從前做時裝傳媒,最受讀者歡迎的題目,就是分辨真假名牌,後來對分辨真假這方面有點興趣,引伸到今日,由於......
  • 終於搵到一個好陪月
    距離BB出世尚有3星期,昨天完成拍攝工作後,正式「收爐」,等生。 而我亦算是在這一刻,準備好一......
  • FB直播重溫 智選家用美容儀器
    如何選擇合適的家用美容儀器,是我inbox內讀者問題的十大必問! 在4月22日,我曾經做過一個......
  • 預防眼紋 拒絕做低頭族
    最近,我以素顏姿態為某著名法國品牌拍了一條最新儀器facial demo短片(這條短片只供發佈會業內......
月曆
Yoko 今日蹤跡