2014年2月3日星期一

前日講過,流行的Rolex運動款具有相當保值能力,咁,我還會再買Rolex嗎?我的答案是未必。

自2005年起,Rolex推出新一代的GMT-Master II(116710LN)後,以Rolex的house color綠色為設計主色,外圈改以全新發明物料:搪瓷混合精鋼的Cerachrom,加上錶帶中間打磨成拋光鋼的設計,以及增大錶面刻度的size等,成個錶型變得很大份,又特別閃亮,運動味大增,剛陽味也濃,但和我的幼小手腕唔襯,因為實在太過man!
上圖是2005年起至今的GMT-Master II,下圖是上一代款式,很明顯見到外圈數字增大了;錶面上的index(三角、圓形、長方形刻度)都加大了,同樣是40mm直徑,但新款的視覺效果比舊款更大隻、更有氣勢及粗豪了不少。
 
 
而搪瓷的硬度只比鑽石低一級,這種將搪瓷混合精鋼的Cerachrom物料,用在外圈上,加強了外圈的硬度,因為以往Rolex的手錶外圈一被刮花就冇得救同變得好核突。
自此,往後的新款Rolex運動手錶,都以Cerachrom做外圈,以及將刻度增大,例如:
Sea-Dweller Deep Sea,44mm直徑,超級龐大,好友M都有一隻,我見佢戴過幾次都唔多想戴,我戴過,比Panerai更誇張,根本唔適合女仔戴。
上年推出,新一代Submariner,有綠圈綠面及黑圈黑面兩隻色,同GMT-Master II一樣咁粗豪。
呢隻係剛剛四月在瑞士巴塞爾錶展中,Rolex的最新作品,Explorer II四十週年版,由原來的40mm加大至42mm,用回40年前初代的粗橙針作24小時指針。白面Explorer II以往一直係最多女仔會揀的Rolex款式,我自己都有一隻,戴得舒服而有型格。今次增大了,未試過上手,不過錶展的款式,大約在9-10月推出市場,到時就知會唔會有炒風!
以上幾款錶,保值能力都是一等一,特別係新款 Submariner,要以炒價先買得到。不過Rolex的皇者錶款,始終都係Daytona!
咁多年來都係未試過在櫥窗中出現,從來都係以炒價入手,江湖傳聞,某大鐘錶集團老闆,長期將獲分配的黑面鋼版Daytona留起,自己用來送禮用。但目前Rolex新款錶咁多,加上呢一代Daytona(116520)都面世11年,估計會在未來數年更新款式,所以白面版都冇乜炒風,08-09年金融海嘯期間,walk-in都可以用正價買得到,而目前只要肯留名,等一段短時間都可以輪到籌,正價買得到。黑面就真係太搶手,非炒價入手不可。但我個人都係認為白面比黑面靚
所以我揀呢款,呢一款錶面只出現在金鋼、白金及黃金Daytona身上,白面黑圈是Daytona出名的Panda Dial,以往只出現在 Paul Newman Daytona身上(甚麼是PND?又是一段Rolex輝煌史,有機會再談),加上數字刻度感覺較斯文,沒有金銅黑面的「兇光」,我一睇就已經愛上,至少係目前Rolex運動錶款中,最不粗豪而又適合女仔戴的款式,這解釋了我不買新款Rolex運動錶的原因!

總瀏覧次數


相關文章
  • Rolex --- 甚麼款先保值?
    前日講過,流行的Rolex運動款具有相當保值能力,咁,我還會再買Rolex嗎?我的答案是未必。 ......
  • 經濟有危就有機......歐洲買袋、日本買錶!
    近日財經版、港聞版上的「歐豬四國」、「希臘危機」或「匈牙利壞賬」的來龍去脈,其實我都唔多清楚,只......
  • 解構!點解去日本買錶平?
    因為呢一篇blog:趁Yen跌,再去日本買Rolex! 成個星期,無論出席任何活動,遇......
  • 愈食愈瘦 負卡路里Magic Food
    愈食愈瘦到底是一個都市傳說?還是比神奇女俠更神奇的神話? 當大家嚷住要節食減肥,身邊好友甚至經常感......
  • 沒有健康 那有夢想
    我有一個傳統,已經維持了六年,今年是第七年,就是在年初,我的出版商循例徵詢我該年出書的意願。老實講,......
  • 說紋.解治(下)眼紋篇
    早前同大家分享過,男士護膚的盲點是眼部,就算男性天生的衰老速度、膠原流失速度比女性慢,其眼部也特別容......
月曆
Yoko 今日蹤跡